Lugo, 24 de agosto de 2013.- As críticas do goberno de Besteiro so poden estar fundadas ou na maldade ou no profundo descoñecemento da realidade; no DOG do 13 de maio de 2013 foi publicada a Resolución do 30 de abril de 2013 de Turismo de Galicia pola que se establecen as bases reguladoras para a concesión, en réxime de concorrencia non competitiva, de subvencións a concellos para o apoio, promoción e difusión ás festas declaradas de interese turístico de Galicia, e se procede á súa convocatoria para o ano 2013.
Ditas axudas se tramitaranse baixo o réxime de concorrencia non competitiva de xeito que todas as solicitudes recibidas serán atendidas sen que se produza comparación entre elas. A concesión unicamente vén determinada polo cumprimento por parte das entidades solicitantes dos requisitos establecidos na propia resolución publicada no DOG, sen que exista criterio discrecional algún para a súa concesión excepto que a festa conte coa declaración de interese turístico de Galicia e que os gastos subvencionables estean relacionados coa promoción e difusión turística da festa como publicidade, cartelaría, anuncios nos diferentes medios de comunicación, actuacións artísticas, material gravado referido á festa etc.
No caso de celebración de festas gastronómicas serán subvencionables os gastos de adquisición do produto obxecto da festa.
Polo tanto non se pode pedir máis transparencia e universalidade, namentres Besteiro e os seus adláteres utilizan a mentira á mantenta para desviar a atención ós múltiples problemas que eles mesmos crean e que (polo que se desprende desta crítica) mantén inoperativa á Deputación de Lugo. A Delegada Territorial sinala que é hora de que Besteiro empece a gobernar a Deputación de Lugo, que deixe de mentirlle aos veciños de Lugo, que deixe de mirar para outro lado e que empece a mirar para todos os concellos por igual. No que se refire ás festas de interese turístico galego a nosa provincia podería recibir preto de 90.000 euros. Bótase de menos unha iniciativa similar na Deputación de Lugo que trate por igual a tódalas festas de interese turístico galego dos concellos da nosa provincia, independentemente da súa cor política.
A Delegada recorda que o prazo de presentación de solicitudes e xustificación remata o 30 de outubro de 2013, excepto para os eventos que se celebren con posterioridade a esta data, para os que a xustificación presentarase en todo caso antes do 31 de decembro de 2013, polo que os interesados aínda poden presentar a súa solicitude, “como é o caso do Concello de Lugo que aínda pode pedir a axuda que lle corresponde para o Arde Lucus” sinalou Raquel Arias. Ademais aclarou que, do mesmo xeito que as asociacións precisan do Acordo do Pleno do Concello para solicitar a declaración de festa de interese turístico de Galicia, tamén poden dirixirse aos seus concellos instando a presentación da solicitude de axuda.
Respecto as festas declaradas de interese turístico nacional e internacional, Turismo de Galicia vén colaborando con todos os concellos que o teñen solicitado, sen que a data de hoxe tampouco teña entrado solicitude do concello de Lugo para colaborar nas Festas de San Froilán.
A despreocupación de Besteiro é tan obvia que aínda hoxe descoñece que non existe a Consellería de Turismo e que en Galicia as funcións atribuídas á Xunta de Galicia están englobadas na Axencia de Turismo de Galicia.
A Lei 7/2011, do 27 de outubro, do turismo de Galicia, na súa disposición adicional cuarta, autoriza o Consello da Xunta de Galicia para a creación da Axencia de Turismo de Galicia, que terá como obxectivo básico impulsar, coordinar e xestionar a política autonómica en materia de turismo e, en especial, a promoción e a ordenación do turismo dentro da comunidade e a conservación e promoción dos camiños de Santiago.
Mediante o decreto 196/2012 do 27 de setembro procédese ao desenvolvemento da citada disposición adicional, creando a Axencia de Turismo de Galicia e regulando os aspectos referidos á organización e funcionamento da Axencia, a súa estrutura, o réxime do seu persoal, o seu réxime económico-financeiro e o seu réxime patrimonial e de contratación.
Así, a Axencia de Turismo de Galicia asumiu as competencias, recursos e medios materiais que lle corresponden na actualidade á Secretaría Xeral para o Turismo, aos servizos de Turismo nas xefaturas territoriais, á Sociedade de Imaxe e Promoción Turística de Galicia, S.A. e ao Consorcio Instituto de Estudos Turísticos. A Axencia de Turismo de Galicia asumiu tamén a tutela funcional da S.A. Xestión do Plan Xacobeo.
Polo tanto non existe a Consellería de Turismo á que se fai referencia; este descoñecemento da realidade, demostrado nesta crítica, é outra proba máis do abandono ó que somete Besteiro á provincia máis preocupado na súa propia carreira política que en colaborar para resolver os problemas da nosa provincia.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
