Lugo, 26 de agosto de 2013.- O Grupo Provincial do Partido Popular de Lugo anunciou hoxe que presentarán para a seu debate na próxima sesión plenaria unha iniciativa na que instarán á Deputación de Lugo, e en concreto ao presidente José Ramón Gómez Besteiro, así como ao BNG no ente local, –responsables da área de Cultura, Turismo,- a que creen unha liña de axudas que teñan por obxecto o apoio, a promoción e a difusión ás festas declaradas de Interese Turístico de Lugo.
Os populares tachan a José Ramón Gómez Besteiro, a Antón Veiga e a Mario Outeiro de ter “demasiada cara” e criticar, baseándose en mentiras, –matizan os populares–, a outras administracións de non colaborar con estes eventos, cando, nin tan sequera, dende o ente provincial contan cunha convocatoria específica de axudas, que cumpran os principios que eles mesmos demandan (transparencia e universalidade), e dirixida especificamente a colaborar con este tipo de festas.
Ante esta situación, o Grupo Provincial do Partido Popular censura a “inoperatividade” do goberno que dirixe Gómez Besteiro que se adica a “botar balóns fóra” e denunciar a outras administracións cando a colaboración do ente con estas festas de interese turístico se remite a pequenas aportacións económicas con algúns dos festexos a través da liña de axudas de cultura.
Os populares pídenlles ao goberno bipartito da Deputación Provincial de Lugo que demostren o seu compromiso coas críticas que denuncian e, tendo en conta que dispoñen de dotación orzamentaria suficiente, pasen a “acción” e garantan a colaboración anual con cada un dos concellos ou entes organizados das 22 festas lucenses catalogadas como de interese turístico.
Polo tanto, o GPP esíxelle unha vez máis a Gómez Besteiro e a Antón Veiga que analicen primeiro a “súa casa e polo tanto a súa xestión” antes de criticar outras xestións, como é a da Xunta de Galicia, que tal e como recolle o DOG do 13 de maio de 2013, conta cunha liña de subvencións, en réxime de concorrencia non competitiva, de subvencións a concellos para o apoio, promoción e difusión ás festas declaradas de interese turístico en Galicia.
Os populares resaltan a importancia desta iniciativa plenaria, da que non se entendería o voto en contra da Deputación logo das declaracións de apoio a estes eventos “de gran importancia histórica e turística”, analizan os populares, e que “permiten a dinamización turística local”, matizan.
Polo tanto, dende o Grupo Provincial Popular reivindícalle ao goberno provincial que poña de manifesto este interese a través de accións directas que permitan a promoción destas festas e atendan a todos os eventos sen discriminacións políticas. Así, os populares resaltan a necesidade de que a Deputación cree unha liña de axudas para o fomento destes eventos, de relevancia histórica e turística, e que permiten a dinamización económica da provincia
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
