A Deputación acusa a Xunta de realizar recortes encubertos e deixadez na xestión das axudas para as festas de Interese Turístico Galego. Este ano varios dos eventos que contan con esta declaración na provincia de Lugo quedaron sen axuda da Xunta. Dende o organismo provincial insisten, “a Xunta é a máxima responsable da xestión destes eventos porque é ela a que outorga a declaración que ademais é de ámbito autonómico”. Por este motivo, solicitan dende a Deputación unha liña de axudas específica que garanta a calidade dos eventos.
A Vicepresidenta Segunda, Lara Méndez, asegura que “se a Xunta non xestiona adecuadamente esta figura córrese o risco de dar unha mala imaxe, perxudicando ó turismo e á economía local”. A Deputación considera que a Xunta está a acometer recortes encubertos na xestión das festas e pretende responsabilizar da mala xestión a outras entidades. Para Lara Méndez, “a Xunta non pode pedir á Deputación que invista a mesma cantidade que o Goberno Autonómico, pola diferencia de orzamento e máis porque a entidade provincial non ten competencias directas en materia turística”.
A Deputación colabora cos organizadores destes eventos que se converten nun importante revulsivo económico para a zona onde se celebran. No último ano, e pesar da crise económica, a Deputación investiu en axudas para a celebración de eventos de carácter socioeconómico ó redor de dous millóns de euros. As axudas da Deputación son de carácter económico ou en forma de colaboración con algunha das entidades que xestiona o organismo provincial. Trátase de eventos nos que se promociona a economía local, coa venta e posta en valor de produtos autóctonos lucenses, e coa intención de potenciar sectores que se teñen revelado coma claves de crecemento comarcal ámbito no que a Deputación, si conta con competencias.
Deixadez de funcións da Xunta
Lara Méndez considera que o ocorrido coas festas de Interese Turístico é unha mostra máis da mala xestión e deixadez da Xunta nas súas competencias. “A Deputación está a facerse cargo de aspectos que non lle corresponden para que a calidade de vida dos veciños non se vexa perxudicada, pero a entidade provincial non se pode responsabilizar de todos os ámbitos que a Xunta abandona.”
Esta falta de interese da Xunta na xestión destas axudas se ven a sumar a outras medidas de recortes encubertos noutros ámbitos que inciden directamente no benestar dos lucenses. Tal é o caso do abandono de infraestruturas tan importantes para Lugo como o Corredor da Costa, o retraso da posta en marcha da unidade de hemodinámica e radioterapia no Hospital Lucus Agusti, o peche de unidades escolares no rural lucense ou a falta de colaboración na xestión de servizos sociais.
A Maruxaina exemplo de mala xestión
A Maruxaina foi unha das citas que este ano quedou sen axuda da Xunta, un claro exemplo da mala xestión e deixadez do goberno autonómico. A Xunta lle denegou a achega económica ó Concello de Cervo por solicitar axuda para un concepto non subvencionable, pero non lle advertiu do erro nin lle deu posibilidade de rectificar “o que demostra a falta de interese do goberno do PP en dar a axuda”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
