O Burela FS Pescados Rubén conseguiu pleno esta fin de semana ante dous rivais de Primeira. Os laranxas proclámaronse campións ante o Azkar Lugo (1-2) no Torneo Ayuntamiento de Tapia, o venres, e sobre o Santiago Futsal (2-2) cos penaltis no Memorial Celso Currás de Trabada, o sábado.
Fronte aos transportistas, nun encontro igualado, Iago Míguez aproveitou un rexeitamento para bater a Balsa. Con oportunidades por ambos os lados, Jandri a cinco minutos para o descanso subiu o empate para o Akzar. O dominio mariñán deixouse ver no comezo do segundo tempo. Os lugueses intentaron aproveitar a superioridade numérica xerando perigo tras expulsión de Matamoros a oito minutos para o final, por dobre amarela. Xa con cinco na pista, o Burela FS adiantou en contraataque co 1-2 de Mimi (minuto 34). A falta de 2 minutos para o final, o Azkar optou por porteiro-xogador sen conseguir froitos.
En Trabada, os laranxas tamén conseguiron adiantarse no electrónico. O Burela FS quixo levar o peso do partido e xa no minuto 5 Hugo superou a Raúl, nunha perda en primeira liña. O empate coouse no minuto 12, nun lanzamento de Palomeque que chocou na defensa mariñá. Rozando o descanso, Matamoros deulle o 2-1 ao Burela FS de penalti. O cadro de Juanlu atreveuse sobre a portería de Raúl no segundo período, aínda que sen éxito. Despois de conseguir defender en inferioridade, a cinco minutos para o final, o Santiago Futsal empatou, con Diego Quintela. A vitoria dos burelistas puido estar na recta final, nun dobre penalti de Juanma, pero houbo que agardar á rolda de penaltis, que culminou Álex, á décima.
Próximas citas
Os mariñáns volverán verse as caras con transportistas e composteláns este xoves, no Memorial Manuel Coto Ferreiro da Estrada; a cita cuadrangular, que reunirá os tres galegos de Primeira e o conxunto anfitrión (Terceira División), arrincará ás 20.30 horas. Dous días despois, o sábado 31, Vista Alegre acollerá a posta de gala da escuadra de Juanlu coa visita do Inter Movistar (20.30 horas).
Azkar Lugo FS 1-2 Burela FS
Azkar Lugo: Yago Balsa, Iago Rodríguez, Antonio Diz, Jandri e Diego, no cinco inicial; tamén xogaron Óscar Iglesias, Cuco, Aranburu, Chano, José López e Zala
Burela FS Pescados Rubén: Edu, Isi, Hugo, Carlitos e Jorge, no cinco inicial; tamén xogaron Mimi, Iago Míguez, Juanma, Matamoros, Christian, Antoñito e Álex
Goles: 0-1, minuto 6, Iago Míguez; 1-1, minuto 15, Jandri; 1-2, minuto 34, Mimi
Burela FS 2-2 Santiago Futsal
Burela FS: Álex, Iago Míguez, Isi, Hugo y Matamoros, no cinco inicial; tamén xogaron Juanma, Christian, Antoñito, Ismael, Alemán e Edu
Santiago Futsal: Raúl, Lucho, Diego Quintela, David e David Pazos, no cinco inicial; tamén xogaron Barroso, Palomeque, Eloy, Santi, Tallón e Chus
Goles: 1-0, minuto 5, Hugo; 1-1, minuto 12, Tallón; 2-1, minuto 20, Matamoros (penalti); 2-2, minuto 35, Quintela
Penaltis: Palomeque (gol), Juanma (gol), Lucho (gol), Antoñito (gol), Barroso (gol), Christian (erro), Chus (erro), Iago Míguez (gol), David (gol), Isi (gol), Eloy Rojas (gol), Hugo (gol), Diego Quintela (gol), Alemán (gol), Santi (gol), Ismael (gol), Pablo Tallón (fóra), Edu (fuera), Raúl (fóra) Álex (gol)
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
