Burela, a 28 de agosto de 2013.- O Partido Popular de Burela tén previsto fixar as distintas actuacións a levar a cabo durante o último cuatrimestre do ano nunha reunión da Xunta Directiva da Agrupación local que terá lugar mañán xoves, ás oito da tarde.
Así o asegurou o portavoz da Agrupación, José Luis Lois Losada, quen engadiu que a organización e temporalizacións fixadas a pasada semana polo Presidente local, José María González Barcia, a Secretaria Xeral, María del Mar Fraga, e a Vicesecretaria Xeral, María José García, non sufrirá grandes modificacións despois do seu estudio por parte da Xunta Directiva local.
Lois Losada insistiu en dous conceptos básicos: “o partido vai saír de novo á rúa para manter reunións con vecinos e veciñas e así explicar o que se está a facer desde o Equipo de Goberno, pero tamén o que se está a facer naqueles ámbitos nos que gobernamos como a Xunta e o Goberno do Estado. Pero tamén queremos ir rematando a reorganización do partido que se fixou no congreso local de hai dous meses. No fondo, latexa un obxectivo: abrir o partido á sociedade para comunicar o que se fai e recibir as inquedanzas da cidadanía”.
O portavoz popular engadiu que “o anuncio do Conselleiro de Medio Ambiente sobre o acceso ó porto é unha noticia de enorme calado e significado, que o PP burelés valora mui positivamente. Pero temos que decir que resulta alomenos chocante a postura do PSOE ó respecto, e seguro que da reunión da Directiva local sairá unha resposta clara e contundente para que os vecinos se enteren de quen fai cousas con rigor e seriedade, e de quen vai por camiños zafios e cheos de barro que non levan a ningún sitio. Porque o PSOE burelés hasta perdeu a oportunidade de ser elegante á hora de facer oposición neste asunto”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
