Burela, a 29 de agosto de 2013.- O Grupo Municipal Popular (GMP) de Burela presentou unha moción na que solicita que a Comisión Europea incremente a cota de capturas da pescada, en consonancia coa iniciativa que o propio Partido Popular vai levar ó Parlamento Galego.
A concelleira popular Patricia López Eijo manifestou que “os datos científicos avalan que agora mesmo hai máis pescada ca nunca nos caladoiros do norte, e están afirmando que se pode aumentar hasta prácticamente un cincuena por cento o Total Admisibel de Capturas (TAC) para 2014. De feito, España e Irlanda acaban de pedir á Comisión Europea unha revisión do TAC da pescada norte xa para este ano 2013, que o que tamén pedimos desde o Partido Popular de Burela”.
López Eijo manifestou que “a pescada é a principal especie comercial da lonxa de Burela tanto por facturación como por importe, e os armadores da nosa vila levan tempo reivindicando o incremento das cuotas de captura da pescada”. A concelleira popular engadiu que “esta medida de incremento de cuotas de captura tamén pode ser extensible ó rape do norte e ó gallo”.
Pola súa banda, o alcalde, José María González Barcia, indicou que “tén que quedar absolutamente de manifesto o noso total apoio ó sector pesqueiro, porque somos conscientes da importancia do mesmo para a economía da nosa vila, pero tamén para a comarca. E como sempre estivemos apoiando as peticións do sector pesqueiro, unha vez máis volveremos a apoialos, porque calquera incremento de captura que se dea en calquera especie, significará mantemento e mesmo incremento de postos de traballo e de xeneración de riqueza”.
González Barcia afirmou que “a moción será levada ó pleno ordinario que se celebrará o derradeiro xoves de este mes, e espero que a oposición actúe en consecuencia. Os socialistas acostuman a ser mui dubitativos coas cousas da pesca, esquecéndose ás veces que Burela é mar e quere seguir sendo mar”.
En 2012, descargaronse no porto de Burela un total de 6.250 toneladas de pescada que deixaron uns ingresos por venta directa de 28’5 millóns de euros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
