José Ramón Gómez Besteiro, candidato á secretaría xeral do PSdeG, realizará este varias visitas a militantes pola provincia da Coruña e pola tarde manterá, entre outros encontros, un con emprendedores e autónomos. O socialista referiuse ás cifras do paro coñecidas hoxe, que presentan unha lixeira mellora aínda que son peores que hai un ano e segue a caer a afiliación á Seguridade Social. Máis aló disto, advirte de que “non hai que desviar o obxectivo, e tan importante como as cifras inmediatas do paro é sentar as bases para un emprego de calidade no futuro, no que se garantan os dereitos do traballador”, así como “cambiar o concepto de produtividade para asumir verdadeiras políticas de choque contra o desemprego centradas na inclusión da xuventude e contra a precariedade laboral”.
Besteiro lembra que, por exemplo, nos datos do mes de xullo o 94,3% dos contratos en Galicia foron temporais, ou que máis do 22% das mulleres só atopan traballos a tempo parcial na nosa comunidade. Así mesmo, incide nun problema: o 90% das empresas galegas non superan os 5 traballadores asalariados. É máis, o 60% das empresas galegas non ten asalariados, e só 194 empresas -o 0,1%- en Galicia teñen máis de 250 empregados.
“Coa crise todos tomamos conciencia do despilfarro en moitas cousas, pero obviamos o máis grave de todo: que a nosa economía está a producir traballadores sen traballo. Ante este tipo de situacións, eu négome a ser un mero receptor da impotencia que xenera a dereita”, afirma Besteiro. É por iso que o socialista chama á necesidade de “preponderar as pemes e autónomos para reactivar o tecido empresarial superando a baixa tasa de creación de empresas que hai, e o baixo espíritu emprendedor”. Ademais, para aumentar o tamaño das empresas “hai que apostar de verdade pola internacionalización”. Como dato, Besteiro destaca que a produtividade galega, o que mide a eficiencia, “está 10 puntos por debaixo da media española, e isto xenera un problema de competitividade” no exterior. “A economía mirando cara fóra non está xeralizada”, di Besteiro. As empresas exportadoras regulares rondan só as 2.000 en Galicia, das que unhas 1.200 están en Pontevedra; 600 na Coruña; 181 en Lugo e o resto -200 aproximadamente- en Ourense.
“Coa crise, a dereita preocúpase da maquillaxe inmediata e esquece os plans a longo prazo”, lamenta o socialista. Consolidar os dereitos do traballador autónomo, das empresas innovadoras e da economía sostible, ofrecer bonificacións fiscais, garantir o acceso ao crédito, fomentar o cooperativismo ou potenciar o estímulo fiscal aos inversores de proximidade son algunas das ideas que, segundo Gómez Besteiro, deben estar no proxecto socialista. Asimesmo, para “garantir o acceso ao financiamento é necesaria unha implicación e compromiso real do sector público para apostar polas empresas, creando mecanismos públicos de crédito”. No referente ao papel das empresas públicas, o socialista critica que “más que xogar un papel dinamizador da economía en xeral, limítanse a favorecer a sectores determinados en base a proxectos concretos”.
Outro dos problemas é que “en Galicia tamén investimos en innovación por debaixo da media española, e iso deriva en menos investigadores, menos laboratorios e menos patentes”. Por outra banda, a especialización en comercio e servizos “fai que abunden sectores nos que é moi complicado aumentar a produtividade ou xerar valor engadido”.
Gómez Besteiro lembra que en España o crecemento está moi relacionado co emprego, algo que non ocorre en tal medida noutros países do entorno europeo “por iso son necesarios estímulos”. O socialista apunta que en Galicia “un punto esencial para garantir unha economía sostible é o desenvolvemento da economía rural da agricultura, a gandeiría e a pesca. “Ademais son actividades que fixan a poboación ao territorio, e son moi difíciles de deslocalizar”, destaca. Tamén pon como exemplo de nicho de oportunidades laborais “a dependencia”, xa que “a realidade galega tira cifras escalofriantes de envellecemento e, en consecuencia, de potenciais usuarios dun servizo mermado polas políticas da dereita”.
Emprego de calidade
Para Besteiro, o emprego de calidade no que se debe pensar cara o futuro é o que logre “facer conciliar a vida laboral e familiar”, no camiño de “limitar, por exemplo, os abusos cos empregados que teñen contrato a tempo parcial pero na práctica traballan moitas máis horas, o dereito individual a solicitar a adaptación da duración e xornada laboral recollida no convenio colectivo, os dereitos de maternidade ou e eliminación da dobre contribución con que se penaliza a as persoas que traballan a tempo parcial”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
