Mondoñedo, 14 de setembro de 2013- O Partido Popular de Mondoñedo lamenta a xestión do alcalde que ten recursos económicos para a posta en valor do turismo, “porén non é quen de actuar”, así, dunha maneira máis concreta, dende o PP pedirán explicacións en pleno a Orlando González, sobre o motivo que levou ao nacionalista a contratar unha persoa para a oficina de turismo só no mes de setembro, cando a subvención que lle concedera a Xunta de Galicia incluía tamén xullo e agosto
O PP explica que ao concello de Mondoñedo lle foi concedida unha subvención por importe de 4.846,65 euros, por parte da Axencia de Turismo de Galicia, dependente de Presidencia, -Xunta de Galicia- , ao abeiro da convocatoria para concellos declarados municipios turísticos para a contratación dun reforzo na oficina de turismo durante os meses de xullo, agosto e setembro.
Sendo concedida a subvención para os tres meses de verán, o rexedor non contratou o traballador ata setembro, un feito, que os populares “din non entender” e polo que o alcalde deberá responder ao PP, dando conta a maiores si se perde a restante contía da subvención.
Ante esta situación, dende o PP local condenan que o nacionalista deixase de crear durante xullo e agosto un posto de traballo “de tanta necesidade e demanda para os mindonienses”. Un feito que, segundo os populares, só vén a demostrar que ao alcalde “non lle importan os veciños”, do contrario “non os privaría dunha oportunidade para a que existía diñeiro”.
Orlando González deberá dar explicacións sobre este desatino na próxima sesión plenaria, porén, os populares mindonienses consideran que “esta situación é inexcusable e prexudica a dinamización e ao pulo dunha localidade que ten no turismo un dos principais inxectores da economía municipal”
“Atopámonos cun alcalde que ten recurso para a posta en valor do turismo, pero que pola contra non é quen de actuar”, reiteran os populares.
Un alcalde que retrotrae ao municipio
Os populares desaproban que Orlando González no lugar de “reactivar o municipio e levar a cabo políticas dinamizadoras, estea a pór de manifesto unha xestión que retrotrae ao concello, que o afoga e lle impide buscar unha saída” ante a situación na que se atopa froito da crise que está a afectar de maneira moi profunda ao concello tralo peche da principal empresa da localidade.
O turismo, segundo explican os populares, é unha das áreas potenciais do municipio, que dende a “administración local se debe potenciar”, polo que “é inadmisible” que o nacionalista desaproveitase a oportunidade de contratar unha persoa durante os meses de xullo e agosto, sendo “a época de maior demanda”.
O goberno local véndese pero logo non actúa
O goberno local contradise na súa actuación tendo en conta que chegou a aprobar unha moción presentada polos populares na que pedían que se impulsara a oficina, como unhas das principais medidas para dinamizar o turismo local.
Os populares lamentan que mentres o seu partido está a impulsar iniciativas para promocionar o turismo local e analizar as potencialidades da localidade; o goberno local de cara ao público amósese proclive á colaboración e mesmo ten un plan de dinamización turística; sen embargo, trala control da súa xestión evidenciase “un equipo de goberno desinteresado e despreocupado por Mondoñedo e polos mindonienses, privándoos de iniciativas que impulsarían a economía local”.
Os populares consideran que de pouco serve un Plan Estratéxico do Turismo, que supuxo un custo de preto de 4.000 euros, ao que se lle suma a pretensión de gastos de 77.500 euros solicitado á Deputación para o Plan de Acción Turística, cando non se reforzan os principais instrumentos dentro de calquera plan, como é a información na oficina de turismo, tal e como puxeron de manifesto técnicos consultados polo PP durante as súas xornadas de traballo para impulsar o turismo local.
Polo tanto, os populares reproban que teñamos unha oficina de turismo que non abre en días de gran demanda, como é na Semana Santa, e non se reforza durante os meses de xullo e agosto pese a ter unha subvención concedida para tal fin.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
