Non puido ser. O Atlético de Madrid proclamouse campión da Supercopa de España tras caer derrotado en Vista Alegre por 2-0 ante un Burela Pescados Rubén que xogou ben as súas bazas e acariñou a opción da remontada. O resultado do choque de ida (5-1) resultou determinante nunha final (5-3) marcada polos minutos finais do encontro en terras madrileñas. O Burela Pescados Rubén afrontou o reto da remontada arroupado pola súa afección e mostrou coraxe para discutir o título a un conxunto blanquivermello conservador. A punto estivo o Burela de aproveitar esta circunstancia para dar a sorpresa, a falta de acerto nas ocasións xeradas impediu aumentar a dose de emoción e incerteza polo título.
No primeiro período a intensidade e o aspecto defensivo foron protagonistas. As madrileñas expuxeron pouco en ataque, en busca dunha contra que difuminara a remontada laranxa. Pola súa banda, a escuadra dirixida por Quico Otero buscaba a súa oportunidade para iniciar a escalada e gozou dun par de ocasións por mediación de Lidia e Lara. Co bonus blanquivermello de faltas completo, Lidia dispuxo dun dobre penalti, minuto17, que lanzou demasiado alto. Sen movemento no marcador chegouse ao descanso.
No segundo acto, as burelás intensificaron o seu dominio e chegou o tanto de Peque a pase de Bea Mateos, minuto 22, que abría un buraco á esperanza. O choque transcorría con demasiadas imprecisións por ambos conxuntos e Quico Otero, a doce minutos do final, decidiu apostar polo xogo de cinco. No minuto 29, Ju Delgado foi expulsada por dobre cartón amarelo e o Burela logrou sacar proveito a superioridade numérica. Antes, as blanquivermellas gozaron dunha gran ocasión de Anita Luján cuxo disparo golpeou ambos paus. Maite non perdoou e marcou o 2-0 pescando un balón solto no área visitante.
O 2-0 aumentou a intensidade de Vista Alegre e un Atlético dubitativo entregouse definitivamente á procura de contragolpe mortífero. As mariñás que mantiñan a súa aposta de cinco en busca dun terceiro gol que alimentase a esperanza non se rendían. Coas locais envorcadas, o Atlético logrou conectar unha contra pero Patri gañou a partida no man a man con Natalia. No tramo final, chegaron as mellores ocasións laranxas para escalar na remontada pero a escasa definición impediu complicar o triunfo madrileño.
FICHA TÉCNICA
Burela Pescados Rubén: Patri, Claudia, Peque, Bea, Maite –cinco inicial- Lidia e Lara.
Atlético de Madrid: Belén, Ju Delgado, Anita Luján, Ro, Cris Llano –cinco inicial- Rocío Sevilla, Leti, Natalia, Fabi e Jenny.
Goles: 1-0, m.22, Peque; 2-0, m.31, Maite.
Árbitros: Presedo García e Amor Vizoso. Colexio galego. Amonestaron con cartón amarelo a Peque, do Burela Pescados Rubén. No Atlético de Madrid expulsaron a Ju Delgado por doble cartón amarelo
Incidencias: Partido de volta da XI Supercopa de España disputado no pavillón Vista Alegre de Burela. 800 espectadores. Ademáis dos representantes da Real Federación Española de Fútbol, institucións e organismos oficiais; cabe destacar a presencia na final do seleccionador nacional de fútbol sala, José Venancio López Hierro.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
