O grupo municipal do Partido Popular a través do seu viceportavoz, Jaime de Olano Vela, en base á lexislación vixente, presenta unha moción relativa á atención e tratamento de pacientes oncolóxicos no Hospital da Costa.
O novo modelo de integración sanitaria da provincia de Lugo contribúe a afondar na coordinación e capacidade de resposta do SERGAS ante o cidadán, o que debe traducirse nunha mellora na prestación e calidade dos servizos públicos sanitarios.
Entre as vantaxes da nova organización tense demostrado que os hospitais públicos -como o de Burela- non só non teñen eliminado ningún servizo ou unidade, senón que, na práctica, acontece todo o contrario: un reforzo da súa carteira de servizos, evitando o desprazamento de pacientes, sempre que este clinicamente indicado e sexa posible.
O Partido Popular ven defendendo a necesidade de reforzar os recursos e servizos existentes no Hospital da Costa. Está a facelo impulsando, dende a responsabilidade de goberno na Xunta o proxecto de ampliación do centro –contratación do proxecto de redacción do plan director– pero tamén, demandando a dotación de novos servizos e, máis en concreto, a posibilidade de que os pacientes oncolóxicos da Mariña lucense poidan recibir a asistencia o seu proceso e a quimioterapia no lugar máis cercano, no hospital de Burela.
Sen lugar a dúbidas que os doentes oncolóxicos poidan recibir o seu tratamento médico no centro hospitalario máis próximo o seu domicilio, constitúe unha vantaxe evidente tanto para a propia persoa afectada -que xa de por si ten que batallar cos efectos secundarios do tratamento- como tamén para as súas familias. Deste xeito, poderían evitarse longos traxectos pois ata o de agora estes enfermos teñen que desprazarse ata Lugo ou á Coruña.
Polo que, debido ó anteriormente exposto, propoñen que o Pleno da Corporación municipal de Viveiro acorde instar á Xunta de Galicia a atender ós pacientes oncolóxicos da Mariña lucense -durante a maior parte posible do seu proceso- no lugar máis próximo ó seu domicilio, isto é, no Hospital da Costa, en Burela.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
