Este xoves 19 de setembro preséntase na Casa da Cultura de Burela ás 21h a película documental “Non era un soño!”, na que se narran as vivencias do equipo feminino do CD Burela FS, campión do histórico dobrete na Liga de Primeira División e Copa de España na temporada 2012-2013.
Trátase dun vídeo documental duns 50 minutos no que se suceden entrevistas personalizadas con cada unha das xogadoras, membros do equipo técnico e dirixentes do equipo campión, e que está dividido en varios bloques temáticos:
• Recordos do 11 de maio de 2013
• Como se prepara un partido decisivo
• O primeiro gol marcouno Vista Alegre
• 40 minutos para 1 Liga
• Para un gran triunfo fai falta un gran rival
• A Copa de España: un dobrete histórico
• A afección do Burela FS: o sexto xogador
• A recompensa ó traballo ben feito
A reportaxe inclúe imaxes da retransmisión do partido de Liga en directo pola Televisión de Galicia, da final da Copa de España cedidas polo club Stilo Berrio FK de Bilbao e outras imaxes inéditas de Arracada Produccións de como se viviu aquel último partido de Liga a pé de pista.
Unha das colaboracións máis chamativas é a do coñecido locutor da radio deportiva Pepe Domingo Castaño, seguidor confeso do club burelés, que se prestou a gravar a parte introdutoria da película.
A reportaxe está producida e realizada pola empresa burelesa Arracada Produccións en colaboración con Logaidea Comunicación e co patrocinio de empresas e entidades relacionadas co club: Pescados Rubén, Galipizza Pizzbur-Franquicias, Mancomunidade de Concellos de A Mariña Lucense, Armadores de Burela ABSA e Concello de Burela.
Este proxecto audiovisual ideouse nas semanas previas a aquel decisivo último partido de Liga en Vista Alegre, comenzouse a gravar nos días anteriores ó choque e as entrevistas coa plantilla realizáronse nos días que seguiron ó título da Copa de España. Esa é un dos grandes reclamos da reportaxe: a narración en primeira persoa polas propias campioas de Liga e Copa das súas vivencias e emocións naquelas datas.
O obxectivo desta iniciativa é render unha merecida homenaxe ó equipo feminino do C.D. Burela F.S. Pescados Rubén, campión do histórico dobrete que acabou por situar a Burela no mapa deportivo nacional. O que se pretende é axudar a gardar un recordo a partir de agora imborrable na memoria dos seguidores do equipo, dos veciños de Burela e de toda a Mariña de Lugo, outorgando o valor que se merece a uns logros que non se van poder repetir facilmente no futuro.
A entrada ó acto de presentación e proxección do documental é totalmente libre. As copias en DVD estarán dispoñibles a partir da próxima semana na sede do club Burela FS.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
