O PSdeG asegurou este venres que a conselleira de Traballo “non foi á Mariña máis que para vender castelos no aire e enganar ós veciños en cuestións tan sensibles como a educación e os benestar social”. O coordinador do partido na comarca, José Ramón Val, explicou que para a nova gardería de Burela, “que xa leva anunciado 2 veces a Xunta, non hai prazos de execución, tal e como recoñeceu a propia Mato, polo que non sabemos se a empezarán o ano que vén, en 2014, en 2015… e, moito menos, canto estará en funcionamento”. Ademais, o proxecto tampouco conta con terreos dispoñibles, “nin os haberá polo menos ata que entre en vigor o PXOM, que agora está en mans da Xunta despois de que o PP o aprobara en solitario no pleno”.
Os socialistas ven outras “graves eivas” no anuncio do Goberno galego que poñen en dúbida a súa viabilidade, como que o Concello teña que achegar unha porcentaxe alta do custe das obras de construción e logo deba asumir os custes da xestión e mantemento da escola infantil. Isto supón, “como admitiu a propia concelleira de Servizos Sociais, un esforzo económico enorme, que nós cremos pode poñer en serio risco a sustentabilidade das arcas municipais”, ademais de demostrar “o deixamento” da Xunta nas súas competencias “ó empaquetar ás entidades locais investimentos que son en exclusiva da súa responsabilidade”, explicou o voceiro do PSdeG en Burela, Alfredo Llano, quen recalcou a necesidade de “estudar outras alternativas menos gravosas para os veciños”.
En canto á residencia da terceira idade de Foz, José Ramón Val considerou “totalmente insuficiente” o compromiso da Xunta, pois din que só achegarán 500.000 euros para iniciar as obras o ano que vén, “case nin chegará para o movemento de terras, sen unha previsión seria para garantir o remate do proxecto”. O tamén deputado autonómico afirmou que con esta iniciativa a conselleira de Traballo “quere lavarse a cara despois de sorprendernos a todos asegurando, literalmente, que as residencias para maiores na provincia de Lugo non son prioritarias nin necesarias, pero, aínda por riba, faino mal, pois, mentres se nega a concertar prazas nas residencias e centros de día públicos que lle presentan Deputación e Concellos, aporta mínimas partidas orzamentarias para centros como o de Foz sen garantir a súa finalización nin funcionamento”.
“Os compromisos de Feijóo coa Mariña acaban en nada”
Val esixiu á Xunta que actúe “co máximo rigor e responsabilidade”, sobre todo cando “xa sabemos como acaban os compromisos de Feijóo na comarca: en nada”. Lembrou neste senso que o presidente da Xunta “anunciou xa 5 veces a ampliación do Hospital da Costa; leva aprazando 4 anos as obras do acceso ó porto de Burela, incumprindo unha e outra vez os seus propios anuncios; e ten paralizado o corredor da Costa, sen nin sequera data de finalización”. Os feitos deixan en evidencia a “discriminación que sufrimos na Mariña coa dereita de Feijóo”, pois mentres “non dá un paso para avanzar en infraestrutura estratéxicas e vitais para o futuro da comarca, elimina prazas de médico –van tres nos últimos meses-, monitores en centros infantís, unidades escolares e impón o repago de comedores”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
