Lugo, 20 de setembro de 2013. Antonio Veiga, vicepresidente da Deputación Provincial de Lugo e delegado de Benestar Social, pediu ao Partido Popular que abandone a súa estratexia de confusión sobre as políticas sociais na provincia e, en concreto, sobre o Servizo de Axuda no Fogar básico.
Na rolda de prensa posterior á Xunta de Goberno semanal, Veiga acusou ao Partido Popular de “estar a facer público un coleccionábel de notas de prensa criticando a aportación económica da institución provincial ao Servizo de Axuda no Fogar básico cando é a Xunta de Galicia, Goberno da súa formación, a que leva varios anos deixando abandonados aos usuarios e usuarias deste servizo, negándose a participar na súa financiación en todos os concellos con menos de 20.000 habitantes, é dicir, en todos os da provincia agás o de Lugo”.
“O Partido Popular –continuou- nega os beneficios do Servizo de Axuda no Fogar básico a miles de lucenses mentres a área de Benestar Social da Deputación continúa incrementando a súa aportación económica a este servizo”. Así lembrou que en 2013, o investimento en axudas para este fin ascende a 650.000 euros, un 27 por cento máis que hai dous anos, o que permite atender ao redor de 2.400 usuarios e garantir centos de postos de traballo nas diferentes comarcas.
Neste senso, o vicepresidente insistiu en que “todas as axudas que concede o entre provincial, sexa da área que sexa, responden sempre a criterios obxectivos establecidos nas bases das convocatorias sen mirar a cor política dos concellos, cousa que dubido que a Xunta de Galiza poida afirmar con tal rotundidade. Todos coñecemos como o Goberno galego prima os investimentos na costa Atlántica mentres impulsa coas súas medias o abandono do interior galego”.
Antonio Veiga pediu ao presidente Feijóo e á conselleira de Asuntos Sociais, Beatriz Mato, a rectificar a súa política en materia de benestar social ao considerar que “os orzamentos de 2014, nos que a Xunta está a traballar, son unha boa oportunidade para que o Partido Popular demostre o seu compromiso con este país, co medio rural e coas políticas sociais. Neses orzamentos debera incluírse unha partida para o financiamento do Servizo de Axuda no Fogar básico, a lo menos coa mesma cantidade que investiu en 2010. Deste xeito, evitaría que o custe do servizo continúe recaendo, tamén, nos usuarios e usuarias e nos concellos, porque ambos xa están afogados polos constantes recortes, subas de impostos e establecemento de copagos”.
Copago da medicación hospitalaria contra enfermidades graves e cróncias
Para os nacionalistas as políticas sociais que o Partido Popular está implementando tanto en Galiza como no resto do Estado responden á lóxica neoliberal desta formación política cuxo obxectivo “é privatizar os servizos públicos”.
Para Antonio Veiga, o Goberno do Estado deu onte un paso máis cara ese obxectivo coa publicación no Boletín Oficial do Estado da resolución pola que se procede a modificar as condicións de financiación de medicamentos incluídos na prestación farmacéutica do Sistema Nacional de Saúde mediante o copago. A partir do 1 de outubro os medicamentos de dispensación ambulatoria nos hospitais, é dicir, aqueles que se dispensan a pacientes non hospitalizados, quedarán sometidos a copago.
Esta medida afectará ao redor de 50 tipos de medicamentos que forman parte de tratamentos de enfermidades graves ou crónicas como o cancro, a hepatite C, a artrite reumatoide ou a esclerose múltiple. Segundo a resolución, os enfermos pagarán un 10 por cento do prezo dos medicamentos cun máximo de 4.20 euros.
Veiga lamenta que “ao copago das ambulancias, ao pago das próteses, ao copago farmacéutico en oficina de farmacia, á supresión de persoal sanitario e á privatización de hospitais se lle sume esta medida que o Goberno do Estado tenta vender como unha actuación para consolidar o sistema da Seguridade Social cando é un novo repago e un abuso á cidadanía. O Partido Popular segue a poñer atrancos para que os cidadáns poda acceder á cidadanía e desfrutar o seu dereito a unha sanidade pública, gratuíta e de calidade”.
“Nin no peor pesadelo poderíamos pensar que nunha situación de profunda crise económica, un Goberno amose semellante insensibilidade castigando a persoas enfermas e empobrecendo aos máis vulnerábeis. O Partido Popular quere que só os ricos poidan acceder ao sistema sanitario” – concluíu o vicepresidente da Deputación de Lugo.
Enlace ao BOE: http://www.actasanitaria.com/fileset/file__CAMBIO_EN_LAS_APORTACIONES_DE_LOS_USUARIOS_4603428036185043638.pdf
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
