Dende a Comisión Executiva do PSdG-PSOE de Burela entendemos a política como unha maneira de prestar servizo ós veciños e veciñas de Burela, e exercémola dentro do respeto e a tolerancia ás persoas e ás ideoloxías distintas ás nosas. Xa sabíamos que o estilo de facer política do Sr Barcia é a da política ruín, rastreira e barrio baixeira buscando sempre o insulto e a descalificación como arma política. O que non contábamos é que esta maneira de facer política se contaxiara ó resto do Partido Popular de Burela. Falamos do Sr Losada, e non nos queremos crer que as notas de prensa emitidas polo Partido Popular de Burela faltando ó respeto ó noso partido, afiliados, simpatizantes e votantes que quixeron compartir con nós a celebración que facemos todos os anos (levamos oito anos facendo esta celebración) na que se fai unha exaltación do noso produto estrela, como é o bonito de Burela, foran obra do Sr Losada ó que temos en estima. Estamos convencidos de que estas notas de prensa foron redactadas polo Sr Barcia e o Sr Losada foi o “corre, ve y dile” do Sr Barcia, pero supoñemos que co coñecemento do Sr Losada, do contrario pareceríanos aínda máis grave a falta de respeto cara ó noso partido político na súa totalidade. Esperemos que o Sr Losada teña máis personalidade e non firme as notas que lle redactan, e do Sr Barcia que teña a valentía de firmar o que redacta.
Con respecto ó contido, non temos máis que dicir que o Partido Popular de Burela o único que fai son anuncios sen ningún tipo de contido, nalgúns ámbitos do noso pobo xa lle chaman ó Sr Barcia “O Vendefumes”, xa que a xestión deste equipo de “desgoberno” é igual a cero. Anuncios, anuncios e máis anuncios, tal é a desesperación deste equipo de “desgoberno” e a súa falta de xestión que utiliza ó Partido Popular de Burela como arma para atacar á xente que non pensan coma eles, criticando actos que pasan totalmente das súas competencias da crítica política.
O noso consello é que o que ten que facer o Partido Popular de Burela é a de poñer ó seu equipo de “desgoberno” a gobernar dunha vez, e a ir concretando os anuncios que día si e día tamén fan sen ningún tipo de resultado práctico, e deixen de exercer a oposición posto que os veciños e veciñas de Burela os elixiron para gobernar e non para facer a oposición.
Pedimos unha rectificación pública ó Sr Losada (non nos importa que lle redacte a rectificación o Sr Barcia), pola falta de respeto que tivo para os veciños e veciñas que asistiron á nosa celebración e a toda a xente que non puido asistir e que nos deron o seu apoio nas eleccións.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
