NOTA DE PRENSA (FNC)
NEVES CANDO ACUSA AO PP DE NON APOIAR A BURELA EN CUESTIÓNS TAN IMPORTANTES COMO A PESCA OU A CONTRATACIÓN DE PERSOAL PARA AS PRAIAS.
Burela, 5 de xuño de 2009. A teniente de alcalde, Neves Cando, critica a actitude que mantivo no pleno de onte o PP de Burela, “comprobamos unha vez máis que o PP de Burela só atende aos dictados do seu partido e non á defensa dos intereses do veciños e veciñas de Burela. E decímolo porque onte o PP de Burela dixo que non a que a Xunta exercese as súas competencias en pesca e actuando con responsabilidade apoiase a este sector no momento delicado de crise que atravesa”.
A edil nacionalista explica que “tratabamos neste caso da necesidade de que o goberno do Estado habilitase unha liña de axudas específicas que compensase a falla de ingresos dos tripulantes e armadores afectados pola paralización temporal obrigatoria da flota pesqueira. Pero nós consideramos e así o dixemos onte no pleno que a Xunta debe asumir o pago destas axudas en tanto o Estado non as aprobe. A Xunta pode e debe facelo e temos exemplos na comunidade veciña en Asturias, onde o goberno autonómico ten asumido estas axudas mentras o goberno do Estado non realice as xestións para aprobalas. E o PP de Burela votou en contra, o PP de Burela considera que a Xunta non ten que apoiar neste tema aos nosos mariñeiros e armadores e en cambio sí o pode facer noutros sectores como o automovilístico e o leiteiro, como anunciou hai pouco o presidente da Xunta. Éste é realmente o compromiso do PP de Burela co sector leiteiro cero”.
Neves Cando engade que “éste non foi o único exemplo de negativa do PP sobre asuntos relacionados con Burela. Presentábamos unha moción de urxencia para instar á Consellería de Traballo a que resolvese urxentemente a orde que regula os programas de cooperación local que nos permite aos Concellos, entre outro persoal, contratar aos socorristas, aos membros do GMIR ou auxiliares de turismo. A día de hoxe no Concello de Burela non temos ningunha noticia de cando se nos concederá este tipo de persoal, e algúns destes postos de traballo son vitais, urxentes e prioritarios para encarar a tempada estival no noso concello”.
Parón administrativo na Xunta
A teniente de alcalde de Burela suliña que “o salvamento e a seguridade nas praias, o GMIR, o persoal para complementar o barco museo e a oficina de turismo ou o persoal de reforzo para a limpeza das praias teñen que estar traballando no momento no que comenza a tempada estival e da Xunta non sabemos nada de nada e o máis grave é que na Xunta ninguén sabe nada de nada. Existe un parón administrativo brutal nesa engranaxe de superdelegados e xefes territoriais que montou o Sr.Núñez Feijóo, e ninguén desde hai dous meses toma decisión na Xunta”.
Ao equipo de goberno de Burela todo esto parécelle moi grave “porque despois a oposición ben que critica e que fala o retraso na limpeza das praias ou na contratación de socorristas, pero onte non. Onte o PP de Burela non considerou necesario nin urxente que a Xunta resolvese estes programas de cooperación local. Ese é o compromiso e o traballo do que tanto presume o PP de Burela. Cando hai que mollarse para defender os intereses de Burela, e falamos do sector pesqueiro ou dos socorristas das praias, o PP de Burela di que non ou que non é urxente e despois falan de traballo. Di de que presumes e direiche o que che falta”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
