Lugo, 27 de setembro de 2013. O vicepresidente da Deputación de Lugo, Antonio Veiga, anunciou, este venres, na rolda de prensa posterior á Xunta de Goberno da institución provincial, a aprobación de novos investimentos para a dinamización turística da provincia de Lugo e acusou á Xunta de Galiza de centrar os seus esforzos na promoción da costa atlántica esquecendo o interior do país.
A Vicepresidencia da Deputación rexeita a política turística do Partido Popular e acusa aos gobernos central e autonómico de estar desprendéndose de facto das súas competencias na materia obrigando a outras institucións, en concreto ás deputacións e aos concellos, a asumilas sen case recursos para facelo. “Esta a facer co turismo o mesmo que xa fixo cos servizos sociais” –precisou Antonio Veiga- quen insistiu en que é necesario “adecuar a política turística aos novos hábitos dos turistas, turismo de proximidade, menos pernoctacións e menos gasto. Por unha banda eses cambios son consecuencia da situación económica pero tamén pola falla de compromiso e implicación do Partido Popular”.
Nese contexto, a institución provincial vén de aprobar una subvención a favor do Consorcio da Ribeira Sacra por valor de 20.000 euros para sufragar os gastos correntes derivados do seu funcionamento, o cal se centra na promoción dos vinte concellos do sur lucense que conforman dito Consorcio e cuxo elemento aglutinador son os ríos Miño, Sil e Cabe, que debuxan unha paisaxe única e unha terra singular de enorme valor medioambiental ademais do seu valioso patrimonio histórico, conxunción que permite ofertar paquetes turísticos inigualábeis. Grazas a esta aportación económica da área de Cultura e Turismo, o Consorcio da Ribeira Sacra poderá seguir planificando, xestionando e fomentando o desenvolvemento turístico da zona a través de actividades e iniciativas programadas cunha visión de conxunto e de acordo as características do turismo actual e sempre baixo os estándares de calidade turística. “As representantes políticos con responsabilidades de Goberno correspóndelles dar trigo e non predicar e iso é o que nos facemos na Ribeira sacra e co Consorcio da Ribeira sacra, na contra de utilizar o consorcio como prato para sacar fotos na perspectiva de confrontar electoralmente”, afirmou Veiga referíndose aos populares.
Na mesma liña, o organismo provincial apoiará á Asociación Provincial de Empresarios de Hostalería e Turismo (APEHL) na promoción turística e gastronómica de toda a provincia de Lugo a través dunha subvención de 35.0000 euros coa que se busca o desenvolvemento e o benestar do sector da hostalería, do turismo e do ocio mediante a posta en marcha de iniciativas de promoción da gastronomía, como a coñecida campaña ‘…. E para comer Lugo’, e de todos os valores que presenta o conxunto da provincia como destino turístico tanto a nivel estatal como internacional. O Vicepresidente da Deputación indicou “a importancia de colaborar e definir estratexias de conxunto entre os axentes privados que operan no turismo e o sector público xa que é evidente que nun momento económico como este demostrase fundamental que o sector público tire da economía. É por isto que consideramos unha autentica traxedia para o turismo en Lugo e no conxunto do País que a reforma da administrativa do Goberno do estado impedira no seu momento a posta en marcha da Empresa Pública Provincial de Turismo como órgano de coordinación e definición de políticas neste campo”.
Antonio Veiga insistiu na importancia de “contar cunha iniciativa no sector servizos que sexa proclive a dotar a hostalería de calidade, aproveitando e potenciando non só os seus recursos gastronómicos senón tamén os recursos patrimoniais, culturais e etnográficos da provincia. A Asociación Provincial de Empresario de Hostalería e Turismo e o Consorcio da Ribeira Sacra traballa nesa dirección e por iso contan co apoio da Vicepresidencia da Deputación; entendemos que debemos seguir perfeccionando iniciativa conxuntas e integrais nas que todas as institucións públicas colaboren na medida do posíbel como impulsores do sector turístico”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
