Foz, 27 de setembro de 2013. A Corporación Municipal de Foz acordou no pleno celebrado este xoves expoñer ao público durante dous meses o novo Plan Xeral de Ordenación Municipal. O alcalde, Javier Jorge Castiñeira, subliñou a responsabilidade coa que actuaron todos os grupos políticos neste asunto e tamén destacou que foi aprobada a conta xeral do ano 2012, que contempla un aforro neto de 463.600 euros.
O rexedor fixo unha valoración moi positiva do pleno de onte: “había varios asuntos importantes que se sacaron adiante. E neste caso quero felicitar á Corporación que actuou con responsabilidade en cuestións tan importantes como é o PXOM. A súa exposición pública durante dous meses aprobouse por maioría absoluta na sesión plenaria de Foz. Unha vez que saia publicado no DOG os veciños poderán mirar en que situación quedan as súas fincas e no caso de que non estean de acordo coa disposición que pon o Plan Xeral poderán alegar”. Javier Castiñeira explicou que “tamén van recibir as alegacións que estaban sen contestar por parte do anterior goberno dende o ano 2007. Comeza unha nova conta atrás para o PXOM, un novo documento adaptado que o equipo redactor entregou estes últimos meses no Concello de Foz. Trátase dunha moi boa nova”.
Conta xeral de 2012
Na sesión plenaria aprobouse a conta xeral de 2012, “que é moi positiva para o Concello. Son uns resultados positivos de 528.911 euros, que unha vez axustado queda en 447.992, o que supón un aforro neto de 463.600 euros, cubrindo a tendencia negativa que tiña o anterior goberno municipal. Neste sentido, igual que o ano pasado, o equipo de goberno actúa con responsabilidade parar que as contas municipais se saneen”. O rexedor dixo que “estes resultados reportan que no ano 2012 volvamos sumar un remanente de tesourería, que queda en 132.000 euros, indo tamén en contra dunha tendencia que traía o anterior goberno de desgaste dese remanente que no ano 2007 chegou a ter 6 millóns de euros e que quedou no 2011 só con 30.000 euros. Agora retomamos esa tendencia en positiva, que ven referendar a boa xestión económica que está a facer este equipo de goberno”.
Castro de Lelle
Javier Castiñeira quixo agradecer “o apoio dos grupos maioritarios, Unifoz e PSOE, á moción presentada polo PP de Foz para que Deputación e Xunta acheguen a mesma cantidade que aportará o Ministerio de Cultura, que son 40.000 euros, para financiar a compra dos terreos e a posta en valor do castro de Lelle. A Deputación non quixo recibir ao alcalde nin ten interese en axudar, de feito o BNG votou en contra desta proposta; iso quere dicir bastante, que a Deputación de Lugo a instancias do BNG de Foz está a actuar de forma neglixente e sectaria”. E engadiu: “pedímoslle á Deputación desde PP, PSOE e Unifoz que faga ese esforzo na mesma medida que o Ministerio de Cultura e solicitámoslle á Xunta que despois poña en valor ese castro, unha vez que sexan municipais eses terreos. A pena é que quedase o voceiro do BNG defendendo intereses partidistas”.
Dentro das actividades da Concentración de Club de Morgan España, que se está a realizar estes días, tivo lugar unha visita a Mondoñedo que incluíu unha recepción por parte das autoridades municipais. Na mesma, que tivo lugar na Praza da Catedral de Mondoñedo, ao carón destes vehículos históricos, o Alcalde, Manuel Ángel Otero e a Concelleira de Turismo, Patricia Otero Doural, conversaron cos participantes e agasallaron a estes cunha bolsa con materiais sobre Mondoñedo. Tras esta breve conversa, procedeuse a realizar unha visita pola zona histórica da cidade episcopal.
Unha actividade que porá tamén punto e final a un curso excepcional das Escolas Deportivas Municipais que tamén contaron con esta disciplina. Desde o Concello de Cervo animan a toda á veciñanza a achegarse durante esta xornada a desfrutar dunha gran xornada de voleibol.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Este xoves desde o Concello de Cervo achegaron ao alumnado dos dous colexios de infantil e primaria da localidade unha didáctica sesión teatral sobre a importancia de reciclar. O alumnado pasouno en grande "xogando a reciclar" da man de Fanny Medioambiente.
Foille notificada polo Tribunal Superior de Xustiza de Galicia. O cervense, que declarouse "absolutamente inocente", anunciou a súa decisión ao Presidente Rueda. A denunciante sería unha popular presentadora de TV ferrolá.
1º. Banco de Loiba. De Diego Pérez Dopico. 56 puntos. 2º Bolboretas: sementadoras de vida. De Germán Paleo Navarro. 47 puntos. TOP CERVO Ruínas. De Consuelo Fra Fernández. 36 puntos. En total participaron 26 instantáneas. Desde o Concello agradecen a participación neste certame consolidado que é tamén unha chamada á reflexión, por captar e compartir a súa ollada neses momentos que reflicten o respecto, a beleza e tamén os retos que afronta a noso medio ambiente; ao tempo que nos permiten coñecer o seu traballo a través da súa óptica, e tamén descubrir lugares e situacións únicas, como sempre fan edición tras edición nesta iniciativa que “naceu para poñer en valor a nosa contorna natural e fomentar unha conciencia máis respectuosa co medio".
Farao tras recibir a autorización concedida pola consellería de educación.
