A Mariña, 27 de setembro de 2013. A dirección do Bloque Nacionalista Galego (BNG) na comarca da Mariña, xunto con alcaldes e portavoces municipais da formación, ofreceron esta tarde unha rolda de prensa para anunciar a presentación en todos os concellos dunha moción na que se esixe á Xunta de Galiza a inclusión dunha partida económica nos orzamentos xerais para 2014 destinada a garantir o Servizo de Axuda no Fogar básico en todos os municipios de menos de 20.000 habitantes.
“O Partido Popular esta invalidado a falar de políticas sociais” afirmou Ana Ermida, quen explicou como “esta forza política desde o Goberno da Xunta e do Estado limitouse a pasar a rebarbadora a servizos sociais básicos e de xeito moi particular a aqueles que benefician a quen menos teñen. No caso do Servizo de Axuda no Fogar Básico deixaron sen achegas da Xunta aos veciños dos concellos de menos de 20.000 habitantes en contraste coas políticas do BNG na Deputación que aumentou a súa aportación de xeito progresivo desde 2010. Gobernar significa dar trigo e non predicar e nesta materia os populares non fan máis que darlle ao veo porque retiraron as axudas ao conxunto dos Concellos da Mariña. Pero hai máis, posto que os fondos que aportan en dependencia non se corresponden con achegas da Xunta senón de Ministerio, por cero uns fondos que no período se reduciron en 8 millóns de euros, isto é de 17 millóns de euros a 9 millóns de euros para o conxunto de Galiza. Todo isto o que está a provocar é que un servizo básico como o SAF ou a Dependencia se teñan convertido nun artigo de luxo ao que se poden acceder aqueles maiores cun determinado poder adquisitivo”.
A situación de crise que se está a vivir en todo o país provocou un incremento importante de persoas que necesitan deste tipo de servizos sociais públicos para atender as súas necesidades básicas. Mais, segundo explicou a portavoz do BNG da Mariña, Ana Ermida, “mentres a demanda destes servizos vai en aumento, os gobernos do Partido Popular, tanto na Xunta de Galiza como no Estado, tomando como pretexto a crise económica e a necesidade de facer recortes, vai pouco a pouco liquidando de facto leis como a da Dependencia ou a súa colaboración económica con servizos como a Axuda no Fogar básica, os centros de día e as escolas infantís, entre outros, algo impropio dun Goberno comprometido cos problemas do pobo.”
“O exemplo máis claro da política antisocial dos populares é excluír de axudas públicas para o Servizo de Axuda no Fogar básico aos concellos con menos de 20.000 habitantes, o que na provincia de Lugo supón deixar sen servizo de Axuda no Fogar a todos os concellos agás a capital e abandonando á súa sorte máis de 800 mariñáns” – sentenciou Ermida que reiterou que “o PP discrimina e quita dereitos á cidadanía en función do número de habitantes do Concello onde residen até o punto de converter en cidadáns de segunda aos habitantes de todos os concellos de Lugo agás aos da capital . Non estamos diante dunha decisión neutral senón que responde a orientación ideolóxica do PP de volver a concentrar os servizos nas capitais de provincia o que significaría trasladar á Mariña 40 anos atrás”.
Desde o Bloque Nacionalista Galego “a prestación de servizos sociais no rural faise aínda máis necesaria e grazas ao esforzo dos concellos, dos usuarios e usuarias e da área de Benestar da Deputación Provincial estase a mitigar o problema do que a Xunta se desentendeu. Porén, a pesar dese esforzo e do compromiso por garantir o Servizo de Axuda no Fogar en todos os concellos non é suficiente para cubrir as necesidades e demandas que existen e que van en aumento a consecuencia doutras políticas de recorte e da falsa austeridade que aplican os executivos do PP”.
Por estes motivos, Ana Ermida explicou que “o BNG presentará nos concellos da Mariña unha moción para urxir á Xunta a que non continúe eludindo ás súas responsabilidades e moito menos descargándoas noutras institucións sen dotalas de recursos económicos para facelas efectivas. O Goberno galego ten diante súa unha nova oportunidade para demostrar se esta do lado da xente ou do lado da falsa austeridade. Se está do lado do pobo debe incluír nos orzamentos de 2014 unha partida dedicada ao SAF básico cunha contía similar a que dedicou en 2010 que ascende a 1.203.394,77 euros”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
