Julio Peinó.- A vida deixou en min sinais de momentos que aló quedaron: Rabuñaduras, queimaduras, engurras de expresión, marcas do tempo, cicatrices de portas que non se abriron ao meu paso e bicos enquistados onde a barba medra máis frondosa. Cada marca unha historia que é parte miña á que non podo renunciar.
Na cidade os bicos son outros e as poutadas tamén. A cidade medra ao redor das súas marcas que mudan, acentúan e transforman a realidade mentres a cidade está viva. Cada xeración, cada fito deixa unha pegada sobre a anterior no rebulir lento da transformación urbana. Un edificio unha praza, unha corredoira, un pequeno muro que foi o lugar de nacemento sagrado que é gravado e respectado na memoria colectiva que o recoñece como tal.
O destino quixo que na Coruña ese muro saíra á luz alí onde antes había un areal, onde os primeiros coruñeses xa facían ‘rente ao mar ese camiño’ e despois muralla; onde houbo estaleiros, peiraos e refuxio de mariñeiros; onde había penas contra as que rompía o mar dándolle etimoloxía á cidade. Alí escavadoras e dinamita liberaron outros centos de bicos enquistados da memoria herculina: O Parrote.
A casualidade quixo tamén que o afloramento ocorrera baixo a bandeira dese progreso que trae aparcadoiros subterráneos, explanadas e falsos túneles que levan por diante castelos como o de Fontán para chegar antes sen saber moi ben para que pero borrando para sempre de onde vés.
Así, un ás veces imaxina se a catástrofe da Cidade da Cultura puido ser peor, discorre cal pode ser o nivel máximo de torpeza histórica que unha sociedade pode acadar: As xeracións do monte Gaiás sálvanse polo feito de non ter proxectado o invento no medio da Praza do Obradoiro deixando a obra de Fernando de Casas Novoa detrás dunha porta antilume RF-90 dentro do recinto de mantemento.
Eu temo polo novo récord que imos bater. Non nos chega con erguer torres de alta tensión sobre o Castro de Elviña, non. Temos que soterrar a memoria de novo. Agochar o lugar de nacemento dunha cidade no soto dun aparcadoiro ao lado doutro túnel baixo unha nova explanada. Nada novo nunha sociedade disposta a deixar tamén baixo terra a outra memoria, a histórica.
Só queda aprendermos a explicar diante de fillos e de netos que non fomos quen de facelo mellor, que a nosa contribución á cidade do século XXI foi agochar o noso pasado baixo unha lápida, que a nosa marca na historia será deixar para a posteridade unha explanada. Outra.
Julio Peinó Álvarez
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
