O Burela FS Pescados Rubén B 2013-14 presentarase na bomboneira este sábado, coa visita do Troula FS Betanzos. A segunda xornada de Terceira División arrancará ás 16.00 horas, como antesala da cita de Primera RFEF, co derbi entre o Burela FS e o Cidade das Burgas (18.30 horas).
O cadro de Iván Cao ‘Lucas’ medirase a outros dos favoritos, un equipo que debuta na categoría con forza. “O Troula FS ten un equipazo, con xente moi veterana e de gran nivel. Entre as súas incorporacións destaca Iago Socastro, un xogador de contrastada experiencia en equipos dos grandes como Lobelle, Castro Urdiales, FC Barcelona, Manacor, Gáldar ou O Parrulo” analizaba o técnico laranxa, incidindo no bo comezo do rival. “Chegará a Vista Alegre con moitas ganas, despois de completar un partido excelente co Xove FS (4-1)” puntalizaba o burelista, que aplaudiu o bo arranque dos mariñáns fronte ao filial do Santiago Futsal e reclamou concentración para dar continuidade aos resultados positivos: “Conseguimos un punto importante, despois dun bo encontro que puido caer de calquera lado. Debemos estar moi concentrados, mitigar os erros e despregar unha boa intensidade defensiva” adelantaba.
Á parte de Bruno de Nois, lesionado, Lucas non poderá contar nin con Antón Couto, amoestado con 4 partidos de sanción tras a expulsión da semana pasada, nin con Antón González, por motivos persoais.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
