Un ano máis vaise celebrar o Outono de Teatro en Alfoz, nesta ocasión coincidindo co mes de novembro. Catro obras serán as representadas en diversos sábados do mes, sempre ás 20 horas e sempre no Salón de Actos da Casa da Cultura do concello. As representacións programadas son as seguintes:
Sábado, 2 de novembro de 2013. 20 horas.
GRUPO: “Adala”, de Fazouro.
OBRA: “Sen seu amor”.
AUTOR: Francisco Piñeiro.
ARGUMENTO: Unha obra que nos conta en termos cómico-dramáticos a historia de Emérita e Nicanor, ocorrida en Foz entre os días 17 e 18 de setembro do ano 1920. Unha historia romántica baseada en feitos reais.
Sábado, 9 de novembro de 2013. 20 horas.
GRUPO: “Aspanane”, de Viveiro.
OBRA: “Y ahora ¿con quién me caso yo?
AUTORA: Carmen Varela Vázquez.
ARGUMENTO: Unha princesa busca o seu príncipe azul para casar con el. O seu castelo recibe a visita dunha chea de pretendentes que queren casar con ela. Ela vainos rexeitando un por un, ata que por fin atopa o príncipe dos seus soños e casa con el.
Sábado, 23 de novembro de 2013. 20 horas.
GRUPO: “O Batán”, de Cangas.
OBRA: “Cambadelas”.
AUTOR: Francisco Piñeiro”.
ARGUMENTO: “Cambadelas” é unha comedia que se desenrola nun só acto e na cal se reflexa a crúa realidade dos sacrificios que teñen que pasar os pais para soportar as cargas a que son sometidos ó longo da súa existencia, provocados polo tren de vida tan acelerado no que montan os seus fillos.
Sábado, 30 de novembro de 2013. 20 horas.
GRUPO: “Raiolas”, de Alfoz.
OBRA: “Ruídos na casa”.
AUTORES: A. Marriot e A. Foot.
ARGUMENTO: Unha casa que se debe vender. Moita xente que chega a ela con diversos propósitos ocultos. Unha noite de entradas e saídas continuas. Enredos amorosos por todas partes. Unha comedia complicada e divertida.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
