O semental de pura raza galega de nome Porteño con 210,60 puntos, propiedade da Asociación Pura Raza Cabalo Galego e a eguas de nome Támaga do ganadeiro coruñés de Oza dos Ríos, Marcelino Freire Abad, con 206,80 puntos, proclamáronse oficialmente Campións de Galicia 2013 da Raza Galega na final da competición morfolóxica p.r.g. “Copa Galicia 20013”.
No segundo lugar na sección de sementais maiores de tres anos, proclamaríase o cabalo Jalisco con 190,8 puntos de Sergio Freire, seguido en terceiro lugar de Pancho de Monte Meda de Ramón Suárez Andrade de Vimianzo (A Coruña) con 186,6 puntos e Artes con 184,88 puntos, da Asociación pura raza cabalo galego.
Na sección de eguas, a segunda clasificada no campionato galego sería Leixa con 199,50 puntos, da gandería de José Fandiño Vázquez, seguida en terceiro lugar de Galaxia de Oza de Marcelino Freire con 178,70 puntos.
A entrega de trofeos presidiuna o Vicepresidente Primero de la Excma. Deputación Provincial de Lugo, D. Antonio Veiga, acompañado do alcalde en funcións de Mondoñedo e membros do goberno municipal e comisión organizadora dunha das Feiras máis antigas do mundo, As San Lucas, que na presente edición cumpriron 857 anos.
Dende a asociación destacan a importancia desta liga autonómica que garantiza a posta en valor da raza galega como alternativa clara á crise que sofre o mercado da carne de cabalo. A aposta da asociación é polos cabalos de deporte, ocio e terapias equinas.
Campionato de Andadura Galega
No campionato de andadura galega, “Gran Premio Concello de Mondoñedo”, organizado pola asociación pura raza cabalo galego, os gañadores foron os seguintes cabalos e xinetes:
Na modalidade de andadura Serrada (Dous Tempos), primeiro clasificado Bolera, de Lino Freire; segundo clasificado, Furia, de Lino Freire; terceiro clasificado, Soledad de Manuel Rega e cuarto clasificado Navarro, de Fernando Mera.
Na modalidade de andadura Chapeada (Catro Tempos), primeiro clasificado Chapista, de Genaro López; segundo clasificado Cobal, de Fernando Mera; terceiro clasificado Chapolin, de Ignacio Romero e cuarto clasificado Noa. de Pedro Pardo.
O campionato disputouse baixo a auga no recinto de A Granxa e contou con gran afluencia de público e sen ningún tipo de incidente. Todas as probas contaron co co-patrocinio da Xunta de Galicia, Deputación de Provincial de Lugo e Comisión de festas de As San Lucas.
A asociación pura raza cabalo galego foi un ano máis a encargada da organización, dirección e desenvolvemento das competiciones de As San Lucas, sendo esta a décimo quinta vez que organiza este certame equino.
Exhibición en homenaxe ao Mariscal Pardo de Cela
Cumpríndose o 530 aniversario da decapitación do Mariscal Pero Pardo de Cela e a petición do Concello e comisión organizadora de As San Lucas a asociación pura raza cabalo galego, presentou na tarde do domingo 19 de outubro un espectáculo de doma de alta escola ofrecido pola sección de doma de Galicia, “Dragones de Santiago” e a participación especial do número ecuestre da señorita Lorena González Maldonado de Burgos, medalla de Bronce no Salón Internacional do Cabalo “Sicab 2009”. Foi unha representación ecuestre dirixida e coreografada por Jacobo Pérez Paz, Coordinador Xeral da Asociación Pura Raza Cabalo Galego en homenaxe a Mariscal Pardo de Cela.
Un numeroso público seguiu o desenvolvemento dos 50 minutos que durou o espectáculo, con multitude de aplausos e mostras de cariño cara xinetes e cabalos participantes destacando a participación dos cabalos de pura raza gallega, así como a participación doutras razas de tronco celta atlántico europeo.
O éxito do espectáculo garantiza que o vindeiro ano, se volva a presentar un novo número na Feira Cabalar de As San Lucas.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
