O Burela FS Pescados Rubén B viviu un bonito derbi comarcal na pista do Superti A Pontenova, moi equilibrado, aínda que coa nota amarga do resultado desfavorable (5-3).
O gol temperán de Keko, xa no minuto 3, non freou os locais, que igualaron a contenda no 12, a través de Santi, e tomaron a iniciativa un minuto máis tarde, grazas a Marcos (2-1). No entanto, os laranxas non estaban dispostos a deixarse dominar e conseguiron volver ás táboas, cun dobre penalti de Manu, a catro minutos para o descanso.
Á volta, o Superti estivo máis acertado nas súas ocasións e antes de cumprirse o ecuador da segunda parte, en tan só dous minutos, puxo terra por medio, con 4-2 xa no 28, de Carlos e Miguel. A falta de 10 minutos, o Burela FS quedou sen Manu, amoestado coa segunda amarela. O conxunto local aproveitou a superioridade numérica para manter a renda no marcador, unha vantaxe que aínda ampliou no 38 (5-2), con Diego, ante a arriscada resposta dos de Lucas con porteiro-xogador. Os da costa tiraron de caste na recta final, acurtando distancias Aitor (5-3), no 39, pero o tempo esgoutouse sen máis posibilidades.
Ficha técnica
Superti A Pontenova: Josiño, César, Santi, Solla e Marcos, cinco inicial; tamén xogaron Carlos, Diego, Pablo, Miguel
Burela FS Pescados Rubén: Brais, Antón González, Hélder, Manu e Keko, cinco inicial; tamén xogaron Alemán, Xoel, Aitor, Pancho, Javi
Goles: 0-1, minuto 3, Keko; 1-1, minuto 12, Santi; 2-1, minuto 13, Marcos; 2-2, minuto 16, Manu (d.p.); 3-2, minuto 27, Carlos; 4-2, minuto 28, Miguel; 5-2, minuto 38, Diego; 5-3, minuto 39, Aitor
Árbitros: Borja Darriba // David Castro (Lugo)
Tarxetas: Por Superti, amarelas Pablo e Carlos; por Burela FS a Xoel e Manu (dobre amarela).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
