Lugo, 21 de outubro de 2013. A Consellería de Sanidade inicia este luns a Campaña de Vacinación fronte a gripe e o pneumococo 2013. Dita campaña finalizará o 20 de decembro. A delegada territorial da Xunta en Lugo, Raquel Arias, presentou este luns a campaña, acompañada pola xefa territorial de Sanidade, Purificación Rivas, e destacou que a provincia de Lugo conta cun total de 157 puntos de vacinación, aos que os lucenses poden acudir para recibir as correspondentes vacinas.
A Consellería de Sanidade prevé superar este ano a taxa de vacinación fronte á gripe acadada na campaña do ano pasado e chegar a unha cobertura do 65% ou máis da poboación diana. Tradicionalmente, a provincia de Lugo, xunto coa de Ourense, son as que rexistran unha maior participación nestas campañas, que teñen por obxectivo diminuír o número das complicacións derivadas da gripe e a súa gravidade, así como diminuír a morbi-mortalidade das enfermidades causadas polo streptococo pneumoniae.
A campaña de vacinación fronte a gripe e o pneumococo 2013, que durará máis de oito semanas, está destinada a todas as persoas de 60 ou máis anos e as pertencentes aos grupos de risco. Inclúense nos grupos de risco da antigripal as persoas con enfermidades crónicas cardiovasculares ou respiratorias; persoas institucionalizadas con procesos crónicos; as persoas con enfermidades metabólicas crónicas ou inmunodeficiencias; os nenos e adolescentes -de seis meses ata 18 anos- con tratamentos prolongados de aspirina; as persoas con obesidade mórbida; e as mulleres embarazadas durante a temporada de gripe.
Inclúense tamén na poboación diana os grupos con posibilidade de transmitir a gripe a outras persoas de alto risco, como os traballadores de centros sanitarios e sociais, e tamén as que desenvolven traballos esenciais para a comunidade, como policías e bombeiros; as que pola súa ocupación poden estar en contacto con aves; e os viaxeiros internacionais.
Organización da campaña
Utilizaránse dúas vacinas, unha para a poboación xeral, intramuscular, e outra indicada para a poboación maior de 75 anos, ou que viven en residencias, intradérmica, que induce unha mellor resposta defensiva. Ambas son moi seguras e as reaccións que poden producir adoitan ser moi lixeiras e pasaxeiras. Galicia conta con máis de 900 puntos totais de vacinación, 157 deles na provincia de Lugo, entre os que se atopan centros de saúde e consultorios; centros hospitalarios públicos; os hospitais, centros médicos e consultas médicas privados; residencias e centros para a terceira idade de titularidade pública ou privada; unidades asistenciais de drogodependencias; centros penitenciarios; e centros de atención a discapacitados.
Os interesados en vacinarse deben poñerse en contacto co seu centro de vacinación onde lle informarán de cómo e onde solicitar a cita. As persoas con 60 ou máis anos, así como aquelas que sufran enfermidades crónicas, deben acudir ao seu médico de cabeceira ou centro de saúde onde serán informados das vacinas que deben recibir.
Sanidade lembra á cidadanía que a vacinación durará máis de oito semanas e hai tempo suficiente para facela progresivamente. Por isto, dende a Consellería de Sanidade solicítase á poboación que, para evitar a sobrecarga do sistema asistencial, non se acuda masivamente os primeiros días da campaña.
Campaña anterior
O ano pasado en toda Galicia administráronse un total de 322.777 doses de vacinas antigripais, acadando unha cobertura entre a poboación maior de 65 anos do 50,8%, que este ano se prevé incrementar. No caso da provincia de Lugo, a taxa de vacinación antigripal en persoas de 65 anos ou máis foi case catro puntos superior, chegando a unha cobertura do 54,18%.
En total, na campaña do ano pasado vacináronse nesta provincia máis de 53.000 persoas de 65 anos ou máis (53.135 persoas). Contando a vacinación entre persoas de máis de 60 anos e outros grupos de risco, o número de persoas vacinadas o ano pasado na provincia de Lugo fronte á gripe foi de preto de 70.000 persoas (69.620 persoas).
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
