A Mariña, 22 de outubro de 2013.- A CIG Ensino, que forma parte da Plataforma Galega en Defensa do Ensino Pública, fai un chamamento a toda a comunidade educativa (profesorado e persoal non docente, alumnado, e pais e nais) a participar da folga contra a LOMCE e en defensa do ensino público convocada o 24 de outubro en todo sistema educativo galego. Tamén, desde a CIG Ensino da Mariña animan a participar de xeito masivo na mobilización que se vai realizar ese día ás 11:30 horas da mañá en Burela, na praza da Mariña e que consistirá nunha concentración.
A Plataforma Galega en Defensa do Ensino Público considera prioritario facer un último esforzo para evitar a aprobación dunha lei que retrotrae o sistema educativo e a propia educación cincuenta anos atrás. Unha lei que nos devolve a un modelo educativo preconstitucional e que nacerá morta polo rexeitamento que suscita nunha sociedade que xa é plenamente coñecedora das súas nefastas consecuencias. A LOMCE é unha lei centralizadora e españolizadora, que acaba coa xestión democrática dos centros e coa educación en igualdade. Ademais é unha lei que está ao servizo da patronal do ensino privado e dunha ideoloxía totalmente reaccionaria, pensada para potenciar a confesionalidade do sistema educativo. En palabras de Dores Fernández Abel, Secretaria da CIG-Ensino da Mariña, “a LOMCE liquidará a xestión democrática dos centros e avanzará na privatización do sistema educativo xa que parte dunha concepción do ensino como unha mercadoría á que só uns poucos poden ter acceso. Cuestiona o propio dereito á educación e avanza na desigualdade de oportunidades, ao concibir a educación como un ben para uns poucos en detrimento da maioría social”.
Por esta razón a CIG-Ensino considera máis necesario que nunca participar activamente na convocatoria de folga e nas manifestacións do 24 de outubro pola mañá para paralizala e evitar a súa aprobación e para que se evidencie, unha vez máis e de xeito contundente, a oposición da sociedade galega á LOMCE. “O PP coa aprobación desta lei mostra unha falta de responsabilidade imperdoable e unha actitude de prepotencia, pois sabe que esta lei non ten percorrido dada a total falta de consenso na súa aprobación.”
Finalmente, a CIG quere mostrar a súa solidariedade coa loita que están a levar a cabo algúns pais e nais da comarca en contra dos recortes que a Consellaría de Educación fixo estes anos e a favor dun ensino público e gratuíto universal. Recortes que prexudican a igualdade de oportunidades para todos nenos e nenas á hora de recibir a súa educación, como foron a eliminación da gratuidade dos libros de texto ou o último decreto de comedores que está provocando que algúns nenos perdan o dereito ao comedor e horas de clase.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
