A agrupación veciñal IpV, presentará unha moción para tratar no vindeiro pleno ordinario, na que se solicita que o concello asuma o gasto que o copago famacéutico lle ocasiona as persoas con enfermidades crónicas.
Cada medida tomada polo goberno central, e o asentimento e colaboración do goberno autonómico galego están a desbaratar un dos logros máis importantes da construción do estado de benestar: a sanidade pública, gratuíta e universal.
A última das decisións é a implantación do copago farmacéutico de dispensación hospitalaria, afectando e penalizando ás persoas enfermas e de menor poder adquisitivo, acabando coa necesaria solidaridade e equidade do sistema sanitario público. Ademais, con esta nova imposición non se cumpre co obxectivo que di plantexarse, xa que por un lado supón un escaso aforro público, que a Sociedade Española de Farmacia Hospitalaria (SEFH) cifra nun 0,1% a nivel estatal da factura do gasto de farmacia hospitalaria; e por outro lado, trátase de medicamentos que están suxeitos a estritas indicacións en graves patoloxías, o que fai absurda a súa implantación, e por tanto, carecente de sentido recadatorio.
No BOE recóllense pouco máis de 50 medicamentos, entre os que se inclúen fármacos para retrasar a progresión do cancro de mama avanzado como o ‘Afinitor’ ou o Tyverb’, para tratar o cancro de ril avanzado ou estendido a outros órganos como o ‘Votrient’; ou para o tratamento de tumores cerebrais como o ‘Temodal’. Ademais, outros tantos fármacos prescritos para a leucemia mieloide crónica, ou tratamento de tumores e/ou metástasicos, para artrite reumatoide, hepatite C crónica, entre outros.
Varias autonomías xa mostraron a súa negativa a poñer en marcha a orde: Asturias, Aragón, Comunidade Valenciana e Extremadura uníronse ao País Vasco, Castela-León, Canarias e Andalucía anunciando que non implementarían o novo copago.
Así, é necesario e prioritario dende a institución máis próxima aos cidadáns e cidadás, os concellos, que non permitan que os enfermos crónicos queden desasistidos do tratamento axeitado por cuestión económica e garantir o pago destes medicamentos.
Por todo o exposto dende IpV imos propor os seguintes acordos na sesión plenaria:
1. Dotación dun fondo económico de emerxencia no concello que asuma o custe dos medicamentos dos veciños e veciñas afectadas con enfermidades crónicas.
2. Pedir ao goberno da Xunta de Galicia que paralice a resolución do 10 de setembro sobre o copago dos medicamentos de dispensación hospitalaria.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
