A profesora Mª do Carme García Negro intervirá nun acto organizado polo Colectivo PENSAMENTO E SEMENTEIRA o venres 29 de novembro. O Colectivo viveirés continúa así coa programación de actos informativos pois entende que a importancia da pesca na economía galega xustifica a escolla desta temática. A conferenciante é doutora en ciencias económicas e empresariais, profesora titular de Economía Aplicada na USC. No ámbito académico dirixe o grupo de investigación de economía pesqueira e recursos naturais, temática sobre as que ten varias publicacións editadas. O acto informativo “A importancia da pesca na economía galega”. Desenvolverase na sala da planta baixa da Biblioteca Municipal de Viveiro (na Praza Maior) e dará comezo ás 20:30 horas.
A pesca na economía galega, en Viveiro
Relacionado
-
A alcaldesa de Vilalba, Marta Rouco, e a concelleira de Feiras e Mercados, Paula Vigo, anunciaron a apertura das inscricións para participar na III Feira Intercultural, que se celebrará o domingo 2 de agosto na Praza de Santa María coincidindo coa feira mensual
-
O Reyco Burela FS abriu a campaña de socios 2026-27, un ano marcado pola proximidade do seu 25 aniversario, que se celebrará o 4 de setembro
-
A Deputación celebrou na Praza de San Marcos a segunda Xornada de Exaltación do Bonito de Burela, un showcooking con tres chefs lucenses para promocionar a Feira do Bonito, que se celebrará o 1 e 2 de agosto
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
