Lugo, 21 de novembro de 2013.- O secretario xeral do Partido Popular de Lugo, Jose Manuel Balseiro, significou que a Xunta de Galicia lidera os investimentos en materia de emprego na nosa provincia grazas á achega de preto de catro millóns de euros, en distintos programas de apoio, no que levamos de ano 2013.
O dirixente popular explicou que as axudas do Goberno galego permitiron a formalización de contratos con 564 veciños desta provincia que se atopaban en situación de desemprego. Nesa liña quixo poñer en valor os esforzos do Goberno galego diante do principal reto do país, loita contra o paro.
OBRADOIROS E PLANS DE EMRPEGO
O groso das axudas da Xunta chegaron a través de dous programas: os plans de cooperación cos concellos e os obradoiros de emprego. En ambos casos –salientou Balseiro- estes programas dan a posibilidade de participación a todos os concellos da provincia, sen exclusión, o que os diferenza do que acontece cos programas que impulsa a Deputación provincial.
Na provincia de Lugo, en 2013, os Plans de cooperación, que chegaron á totalidade dos concellos lucenses sen exclusión, o investimento superou os 2.200.000 euros e xeraron 374 empregos, en distintos ámbitos laborais de utilidade social e tras formalizar o contrato a través das entidades locais pero co financiamento da Xunta.
No caso dos obradoiros de emprego dispuxeron dun orzamento de 1.700.000 euros e permitiron a participación de 190 desempregados, aos que habería que sumar as contratacións do persoal técnico e formativo. As bases reguladoras desta convocatoria permiten concorrer a todos os concellos da comarca sen limitación.
A todos estes apoios habería que engadir unha importante inversión da Xunta para a posta en marcha dos programas de formación, dos que tamén se benefician na nosa provincia un importante número de persoas desempregadas e que permiten adquirir, renovar ou ampliar coñecementos e ganar en posibilidades de inserción laboral.
PRIORIDADE DO GRUPO POPULAR
Balseiro concluíu salientando que as administracións xestionadas polos populares non se renderán na batalla contra o paro xa que rematar co desemprego non é unha opción senón un deber e unha prioridade para lograr a remontada económica no noso país.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
