Xa temos falado dende estas páxinas do esperpéntico acoso que están a sufrir por parte do Estado español milleiros de emigrantes retornados que perciben pensións de xubilación de varios estados, xa temos falado do escurantismo que sementou a Axencia Tributaria ao redor da lexislación vinculada a este sector para poder tratar como defraudadores os retornados da Emigración Galega, si, con maiúsculas, porque a emigración é un capítulo -non pechado- da Historia da Galiza, un capítulo cuns protagonistas aos que na actualidade o Estado español está a espoliar as ganancias que conqueriron na Suíza, na Alemaña, nos Países Baixos, no Reino Unido… cunha arteira estratexia máis propia dun illado país tiránico ca dun pretendido estado de dereito. As vítimas do devandito espolio son os anciáns que noutrora trouxeron -amais de divisas e investimentos- modernidade, ideas anovadas e oxíxeno democrático á sociedade galega.
Mais do que non temos falado aínda é do agravio comparativo que pode albiscar calquera que coñeza uns poucos datos económicos do seguinte teor: Os clubes de fútbol deben aproximadamente entre 700 e 800 millóns de euros á Facenda estatal, iso, sen computar os datos dos clubes que non están constituídos como sociedades anónimas deportivas, que veñen sendo os coñecidos como grandes equipos, verdadeiras niñadas de defraudadores, quen por certo, son tratados con luva de seda pola Axencia Tributaria, malia a repercusión mediática que poidan ter os seus arranxos de contas.
Que presión reciben por parte do fisco as devanditas entidades deportivas? Están acosándoos acotío con notificacións? Sei que son preguntas con respostas implícitas, mais nesas respostas que todos coñecemos tamén vai implícito o agravio comparativo. Facenda está a cebarse no sector máis feble da sociedade, os anciáns. Está a cebarse cos emigrantes retornados, uns xubilados que tiveron que vivir boa parte da súa vida fóra do seu país.
Eles desbotaron a submisión e máis a secular resignación dun pobo aferrollado, por iso, agora nós, a colleita daquela diáspora transformadora, temos a obriga de defendelos, de protexelos da rapina coa que pretende subxugalos –abeirado nunha lei raposeira- o mesmo Estado que na súa mocidade os botou a traballar polo mundo adiante.
O obxectivo da Axencia Tributaria non é facer cumprir a lei, se non faríao con todos: coas entidades deportivas, cos que se ocultan tras as SICAV ou cos evasores de capitais aos que lles puxo alfombra vermella para que regularizasen a súa irregular situación fiscal. O obxectivo é meramente recadatorio. E as formas, o fondo e o xeito son miserábeis, non é un adxectivo gratuíto, é a definición perfecta para unha administración pública que está a converter en normal a anomalía (indultar de facto os grandes defraudadores) e en defraudadores á xente de ben, neste caso, os nosos emigrantes.
Non é de estrañar que moitos deles estean a cismar na posibilidade de volver aos lugares nos que foron tratados como auténticos cidadáns e non como presas doadas de estafar.
LIONEL REXES
Membro da Xestora do COLECTIVO DE EMIGRANTES RETORNADOS DA MARIÑA
emigrantes.retornados.amarinha@gmail.com
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
