O Burela FS Pescados Rubén colocou este domingo a guinda do pastel a un ano perfecto coa vitoria na pista do Roldán FSF (2-5), con catro goles de Peque e un de Lidia Mesías, na antesala da súa cita mundial con España. Os tres puntos da 11ª xornada de Primeira permítenlles ás pupilas de Quico Otero seguir pisándolle os talóns ao líder, antes do parón polo Campionato do Mundo (13-20 de decembro, Alcázar de San Juan-Cidade Real).
As laranxas metéronse no encontro con garra e fame de gol. Xa no minuto 3, Peque marcou as distancias para o Burela FS, ao recoller unha paralela de Claudia e conseguir regatearaá meta murciana. Con todo, o Roldán FSF contraatacou cunha sólida presión para dificultar a saída de balón das mariñás e buscar o empate, que chegou no minuto 7, con firma de Marta Peñalver, revolvéndose na zona de pivote. As hostes galegas, con plena concentración, volveron mandar no electrónico segundos despois con nova aparición de Peque, que aproveitou un erro de pase das locais para anotar o 1-2, inalterable ata o descanso.
No segundo período, o Roldán volveu apostar por unha forte presión durante os primeiros cinco minutos, limitando os movementos laranxas. No entanto, enseguida repregou filas e aí estaba o Burela FS para mover peza. No minuto 30, Lidia, soa ante a porteira, e Peque, roubando no centro do campo, ampliaron vantaxe. Con 1-4, as locais víronse obrigadas a saír con xogo de cinco e rapidamente obtiveron a súa gran recompensa. Cristina reducía distancias en superioridade numérica (minuto 33), aínda que a opción de porteira xogadora non lles reportou máis beneficios; reduciron as tentativas galegas, pero non xeraron demasiado perigo en ataque. A cinco segundos para o final, Peque transformou o definitivo 2-5 a porta baleira tras roubo.
Ficha técnica
Roldán FSF: Andrea, Pepa, Juani, Inma Sojo e Marta Pelegrín, cinco inicial; tamén xogaron Sonia, Begoña, Cristina, Marta Peñalver, Maite Mateo, Miriam, Claudia
Burela FS Pescados Rubén: Jozi, Peque, Maite, Bea e Claudia; tamén xogaron Lidia Mesías, Lara, Cristina
Goles: 0-1, minuto 3, Peque; 1-1, minuto 7, Marta Peñalver; 1-2, minuto 8, Peque; 1-3, minuto 30, Lidia; 1-4, minuto 30, Peque; 2-4, minuto 33, Cristina; 2-5, minuto 40, Peque
Árbitros: Rubén Artero // Francisco Gómez (Murcia)
Tarxetas: Por Roldán amarela a Juani (minuto 12) e vermella a Sonia (28). Por Burela FS, amarelas a Peque (minuto 21) e Lidia Mesías ( minuto 34)
Incidencias: Partido correspondente á undécima xornada de Primeira División RFEF. Minuto de silencio polo falecemento Ramón Otero Franco, pai do adestrador do CD Burela FS, Quico Otero.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
