O PSdeG-PSOE de Riotorto asegura que o Partido Popular deste municipio é “co-autor” de que a Xunta de Galicia pase a cobrar ós veciños o vindeiro ano un 17% máis polo servizo de recollida de lixo. Este é a conclusión que extraen os socialistas logo de que os populares votasen en contra da moción presentada pol grupo municipal do PSOE para rexeitar o novo imposto da administración autonómica.
Tendo en conta o rexeitamento do Partido Popular e que este incremento implica “pasarlle a factura ós veciños”, o voceiro municipal socialista, José García Freije, afirma que “nos parece incriíble que non apoiasen a nosa iniciativa. O Partido Popular consinte claramente que a Xunta pase a cobrar o vindeiro ano máis polo mesmo servizo”. Deste xeito, aseguran que estes concelleiros son “cómplices da decisión do Sr. Feijóo, quen un bo día decidiu subir esta taxa co obxectivo de que lle cadren as contas. Os gobernos do PP gobernan a base de que paguemos os cidadáns. Onte quedounos claro”.
Modificación do canon grazas ás presións do PSOE e BNG
Con este incremento, as 537 vivendas de Riotorto que aparecen rexistradas no Instituto Nacional de Estatística (INE) están obrigadas a desembolsar o vindeiro ano por este servizo un 17% máis. Deste xeito, García subliña que “se trata dunha medida inxusta, que foi reducida grazas á presión que exercemos o PSOE e o BNG, en colaboración coa FEGAMP”. “Sinceramente, asegura o socialista, agardabamos que o PP fose responsable e non rexeitase a nosa proposta, pero lamentablemente fixo todo o contrario. O novo canon é unha decisión política, que xurde co afán único de recadar, pois vén motivada pola decisión do Goberno Central de suprimir as primas para a xeración de enerxía renovable e á da Xunta de anular o plan do bipartito”.
A Xunta en contra de quen crea emprego
Por outra banda, o grupo municipal socialista rexeitou decididamente a proposta do Partido Popular, na que se sometía a debate o Plan de emprego da Deputación. Neste senso, o voceiro do PSOE neste Concello, subliña que “adoptamos esta decisión porque queremos ser coherentes, pois o único requisito que se pide no Plan da Deputación é que se beneficiará a aqueles Concellos que non recibiron ningún obradoiro nos últimos tres anos”. A este respecto, engadiu que “esta é a incoherencia do Partido Popular, nin fan nin deixan facer. Non só recortarán en 19 millóns de euros o vindeiro ano as políticas para o fomento de emprego senón que están radicalmente en contra dos que, malia non ter as competencias, si que están a facer un esforzo inversor importante para reducir o paro nesta provincia que, tal e como indican os datos publicados hoxe, somos a cuarta rexión de España na que máis emprego se destruíu no último mes”.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
