Lugo 05 de decembro de 2013.- O presidente da Deputación Provincial de Lugo, José Ramón Gómez Besteiro, converteuse este xoves no presidente que “virou as costas a un acordo histórico acadado en 41 concellos da provincia e no que se reivindica a igualdade de oportunidade entre parados”.
O socialista, xunto aos seus socios de goberno, fixo “oídos xordos” ás peticións de entorno a cen alcaldes e edís de toda a provincia que asistiron hoxe ao salón de plenos do organismo provincial para reivindicar un plan de emprego que chegue a todos os municipios “modificando as bases do actual que deixan fóra do proceso de selección a 9 de cada dez desempregados”.
A unidade posta de manifesto hoxe por alcaldes e edís de toda a provincia é a mellor mostra da “defensa por parte dos populares dos intereses reais dos lucenses”, ao considerar “inmoral” que por razóns políticas o plan do bipartito chegue só a 12 dos 67 concellos da provincia.
“Queremos vetar aos que discriminan e crean concellos de primeira e de segunda categoría”
Durante a celebración do pleno extraordinario no que se solicitaba de maneira concreta a modificación das actuais bases “sesgadas” e o incremento da contía orzamentaria do plan de emprego; a voceira do PP na Deputación Provincial de Lugo, Elena Candia, deixou claro que “a nosa prioridade é crear emprego, polo que nunca estaremos en contra de iniciativas que fomenten a contratación de parados”.
Porén, a popular asegurou que “é inaceptable que se marxine aos desempregados en función do concello no que residan, e é inaceptable que cando se xestionan cartos públicos, a Deputación negue a oportunidade de participación a todos os concellos da provincia”.
“Queremos que se manteñan as contratacións nos 12 concellos que si se benefician do plan e que se amplíe aos 67 municipios da provincia”, manifestou Candia, en referencia aos acordos plenarios trasladados dende os concellos.
A mentira e a inmoralidade, únicas xustificacións de que máis do 94% dos parados non podan participar no plan
Elena Candia afirmou hoxe que só a través da mentira e dunha actitude “inmoral” se pode xustificar que máis do 94% dos parados non podan participar na selección do plan de emprego da Deputación Provincial de Lugo. Están incluídos para participar no proceso de selección do plan o 5,46% (1.416 parados) e polo tanto queda fóra o 94,54%, é dicir, 24.522 parados.
“Crearon un plan a súa medida” coa vista posta nas próximas eleccións municipais de 2015, ata o punto, matizou a popular, “de que os contratos finalizan un mes despois das citas nas urnas” e, a maiores, dos 12 concellos que cumpren os requisitos, só un está gobernado polo Partido Popular.
Os datos desmontan cada mentira do bipartito provincial
Candia desbotou unha a unha as mentiras do goberno provincial, facendo referencia a datos oficiais e asegurando que “o que é medible, non é interpretable”.
Os concellos de máis de 5.000 habitantes (excluídos directamente do programa) necesitan tamén a colaboración en materia de desemprego, ata o punto de que moitos deles teñen unha maior taxa de paro que os incluídos.
De igual maneira, é “falso” que busquen chegar a onde non o fixo a Xunta de Galicia, xa que a administración autonómica colaborou con todos os municipios da provincia xerando máis de 374 empregos a través do plan de cooperación en 2013, a maiores concede axudas de mínimo 20.000 euros a todos os concellos con rede natura, e puxo a andar accións formativas a desempregados por máis de 4 millóns de euros.
Ao mesmo tempo, todos os municipios poden solicitar sen discriminación obradoiros de emprego; e a maioría dos concellos incluídos no plan nin tan sequera o fixeron. Deste xeito, dos 33 obradoiros de emprego que puideron ser solicitados entre as anualidades 2010 e 2013 por parte dos once concellos gobernados polo bipartito que entran no plan, non se chegaron a solicitar 27.
A realidade é que concellos incluídos no plan, como Becerreá ou o Incio, incluso renunciaron as brigadas de incendios concedidas pola Xunta de Galicia, negándose a firmar convenios coa administración autonómica.
Centrados no emprego en época electoral
“É inmoral xogar coa necesidade da xente”, e máis facelo “por réditos electorais”; de non ser a así, os populares pregúntanse o porqué na liquidación do terceiro trimestre da conta xeral de 2013, Gómez Besteiro ten só un grao de execución do 4,17% na partida de fomento do emprego; ao tempo que deixou 2,7 millóns sen executar no 2012.
O GPP censurou que o bipartito votase en contra das iniciativas que levaron a pleno solicitando a creación de plans de emprego e agora presenten un programa que non dotará de ningún contrato a comarca máis poboada da provincia como é Lugo, ou só inclúe un concello da Mariña, exemplificaron.
“Estanse creando parados de primeira e de segunda en función do municipio de residencia”, matizou a popular, quen explicou que cunha poboación moi semellante e menos número de parados, entran concellos no plan, mentres quedan excluídos outros cunha taxa de desempregados maior. Por exemplo, mentres inclúen a Cervantes, deixan fóra a Rábade, co mesmo número de habitantes e un número de parados que case dobra ao do municipio da montaña.
Polo tanto, Gómez Besteiro negouse a rectificar un plan “discriminatorio, excluínte, que clasifica parados de primeira e de segunda só por obter réditos electorais”.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
