A Xunta de Goberno deste luns aprobou actuacións por valor de 2,4 millóns de euros para emprego, servizos públicos e cooperar cos Concellos, “as máximas prioridades desta Deputación”, destacou o voceiro provincial socialista, Manuel Martínez.
A sesión acordou a reordenación dos fondos europeos do Lug02, coa que se achega 1,2 millóns de euros para novas actuacións en impulso dos empregos verdes e do aforro de gastos correntes ós Concellos en materia enerxética ata 2015. Desta cantidade, 820.000 euros serán para emprego e 400.000 para cooperar cos Concellos.
Aprobou unha nova liña de creación de emprego, que consiste na posta en marcha de dúas bolsas formativas para lucenses desempregados e menores de 40 anos no eido da carpintería e cantería. Hoxe acordáronse as bases, que esta mesma semana se publicarán no Boletín Oficial da Provincia, abrindo, a partires de entón, un prazo de solicitude de 8 días naturais. Os beneficiados mellorarán a súa formación con prácticas remuneradas, que realizarán xunto ós profesionais do Centro de Artesanía e Deseño da Deputación. Farano durante 6 meses, nos que recibirán unha remuneración mensual superior ós 1.000 euros. O organismo provincial achega a esta nova liña de creación de emprego 12.500 euros.
Tamén sobre emprego, o organismo provincial acordou colaborar co servizo de intermediación laboral de COGAMI para persoas con discapacidade das zonas rurais da provincia con 60.000 euros.
Investimentos nos Concellos
A Xunta de Goberno acordou o reparto por anualidades dun total de 980.000 euros para investimentos nos Concellos de Monforte de Lemos, Sarria e A Pastoriza. A institución achega 940.000 euros a Monforte de Lemos para mellorar o paseo do río Cabe, no treito comprendido entre a Compañía e Piñeira. Esta cantidade distribúese do seguinte xeito: 22.000 euros no 2013, 538.500 euros no 2014 e 380.000 no 2015.
A Deputación concede á Pastoriza 20.000 euros para unha oficina pública veterinaria en impulso do sector agrogandeiro. Esta instalación abrirá a comezos do 2014. A súa posta en marcha suporá a creación de postos de traballo, posto que require de persoal especializado. Ademais, aforrará cartos ós gandeiros, que evitarán desprazamentos para recibir este servizo. A Deputación concede esta axuda ó Concello ante a demanda desta prestación, que anteriormente se ofrecía dende outra oficina veterinaria, que pechou a Xunta de Galicia. “Unha vez máis temos que suplir á Xunta en Lugo”, destacou o voceiro.
En Sarria, a institución inviste outros 20.000 euros, que serán para mellorar a traída de auga na localidade de Vilaverde.
Melloras de servizos públicos
A sesión aprobou as contas xustificativas de 18 obras do Plan de Comunidades Veciñais, executadas en núcleos rurais de 11 Concellos, nos que se levaron a cabo melloras de servizos públicos municipais con 143.300 euros da Deputación, aforrando cartos ás entidaes locais. Os traballos leváronse a cabo en Corbite, no Concello de Abadín; Quintia, Anafreita, Serén, Nodar e Lamas, en Friol; Buríz, en Guitiriz; San Mamede de Lousada, en Guntín; Xerdiz e San Pantaleón, en Ourol; Vián, na Pastoriza; Vilaxuste, en Portomarín; Ove, en Ribadeo; Castroncán, en Samos; Piñeira, en Taboada; Lousada e Momán, en Xermade.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
