O Parlamento Galego debateu este mércores os orzamentos para o 2014 onde o grupo parlamentar do BNG presentara unha enmenda através da que se plantexaba unha partida de 500.000 € adscrita á Consellaría de Medio Ambiente Territorio e Infraestruturas dedicada á dotación dun polígono industrial conxunto para os concellos de Alfoz e O Valadouro.
O PP votou en contra, co que un ano máis a comarca do río Ouro quedará sen a posibilidade de ver materializada unha reivindicación histórica do BNG local, que contou dende sempre cunha magnífica acollida por parte da veciñanza, crear solo industrial para o asentamento das empresas locais que están a marchar fóra do val e máis para atraer investimentos exteriores.
O BNG tamén quere amosar a súa estrañeza por esta inexplicábel acción do grupo maioritario no Parlamento Galego, despois de que hai uns meses, ao iniciar as negociacións da moción de confianza no Concello do Valadouro, o conselleiro Agustín Hernández aparecerá nos medios xunto ao anterior alcalde prometendo a tramitación da primeira fase e o compromiso da Xunta de comezar as obras en abrindo un rexistro de demandantes para coñecer a necesidade concreta de espazo.
PREGUNTÁMONOS:
-Trátase dunha vinganza do PP galego porque o PP local ficou afastado da alcaldía do Concello do Valadouro?
-Que teñen que facer os concellos da comarca do Ouro para teren un polígono industrial?
Ter gobernos do PP nos dous concellos?
Iso xa aconteceu durante moitos anos e o polígono nunca chegou, polo que deducimos que ademais de actuar de xeito vingativo, o PP galego actúa de maneira irresponsábel.
SÓ SE TRABALLOU A PROL DO POLÍGONO NA XUNTA DO BIPARTITO
Durante o bipartito na Xunta de Galiza, chegouse a elaborar un proxecto, e a daquela conselleira estivo na Finca Galea presentando o plano aos alcaldes (daquela os dous do PP) mais cando ían comezar as obras o bipartito perdeu as eleccións. Co PP na Xunta, o polígono da comarca do Ouro ficou de novo como un soño esvaído.
Tiramos unha conclusión, o PP ignora aos concellos da comarca do Ouro, negándolles unha infraestruturas que é xa unha reivindicación histórica, e algo que de non materializarse nestes anos, constituirá unha ferida de morte para un val que perde poboación día a día por non ser dotado das infraestruturas precisas para subir ao tren do futuro.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
