Ribadeo, 30 de decembro de 2013. O alcalde, Fernando Suárez, asegura que o Concello segue a agardar pola chamada da Xunta para asinar o convenio dos 500.000 euros comprometidos para a residencia da terceira idade de Ribadeo. Deste xeito resposta ás declaracións efectuadas por Daniel Vega, presidente provincial de Novas Xeracións, esta fin de semana no diario El Progreso.
O rexedor considera que “é difícil dicir tantas parvadas en tan pouco espazo e o certo é que tendo en conta o día no que as dixo, o día dos Santos Inocentes, quizás por iso lle podo atopar algunha explicación. É moi grave facer estas consideracións de cuestións moi sensibles para moita xente como son a anulación dunha praza de médico aquí en Ribadeo ou o trato recibido por parte da Xunta de Galicia sobre a residencia de maiores de Ribadeo”.
Fernando Suárez lembrou que “tivo que saír á rúa o pobo de Ribadeo, máis de mil persoas, hai un ano para conseguir que a conselleira de Traballo e Benestar recibira a unha comisión de veciños e de políticos da Corporación. A actuación da Xunta lamentablemente en todo este proceso sempre foi a rebufo tanto dos feitos como doutras administracións, singularmente o Concello e a Deputación. É máis ao final grazas á determinación da Deputación Provincial de Lugo en costear unha parte importante do proxecto, foi o que levou á Xunta a dicir que o cofinanciaría con 500.000 euros, unha cantidade que é ben pouca e que contrasta co 1.828.000 euros que porá a Deputación”. O alcalde subliñou que “este diñeiro da Deputación xa está conveniado, xa está asinado e asegurado, cousa que non podemos dicir a día de hoxe da Xunta porque aínda non nos chamaron para asinar o oportuno convenio”.
Suárez Barcia engadiu: “supoño que este rapaciño, este presidente provincial de Novas Xeracións co bo hooligan que é do seu partido, debera ter unha visión un chisquiño máis obxectiva do mundo que o rodea a el e que nos rodea a todos, que está cheo de dificultades, de recortes e de problemas, que el e o seu partido, que está a gobernar na Xunta e no Estado, deberían tratar de resolver e non de agravar aínda máis nas desigualdades sociais que están a provocar”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
