Lugo, 30 de decembro de 2013. Antonio Veiga, vicepresidente da Deputación e delegado de Deportes da mesma, compareceu este luns para explicar que o proceso de alleamento (enaxenación) das accións que posúe a Deputación do CB Breogán continúa adiante nos termos previstos e desde hoxe pódense presentar ofertas polas accións e até o día 17 de xaneiro.
Antonio Veiga fixo fincapé en que “o proceso tense que axustar a dereito e a nivel lexislativo isto indica que ten que ser unha subasta, que se abre hoxe. Nesa subasta introducíronse limitacións para evitar a deslocalización do club poñendo unhas condicións que priorizan aos accionistas fundadores, aos socios e aos abonados. Co prego que aprobamos en Xunta de Goberno o venres pasado garántese todo iso”.
“O compromiso da Deputación co Breogán ao longo destes anos está fóra de toda dúbida. Estamos falando de que só neste último ano a Deputación aportou en diferentes conceptos arredor de un millón de euros: obras son amores, que non boas razóns. Estamos a falar dun dato obxectivo e unha verdade totalmente irrefutable. Polo tanto o compromiso da Deputación xa desde o ano 2007 no que entramos a formar parte deste goberno non hai quen o poida rebater. Polo tanto o noso compromiso co club é total, polo que debemos de lanzar unha mensaxe de tranquilidade: o que agora mesmo necesita o club, coa boa situación deportiva e económica que estamos a atravesar, en ningún caso son ataques. Non me estou referindo a ningunha persoa en concreto, senón grupo político do PP, ao que lle esiximos unha maior responsabilidade. No ano 2006 entraron a formar parte do Consello de Administración do Breogán os 3 grupos políticos que tiñan representación na Deputación con unha persoa por cada grupo político. Curiosamente o que por aquel entón era tesoureiro do Breogán e viceportavoz do PP na Deputación afirmaba daquela que “entramos aquí pero para saír rapidamente”, polo que non sabemos que cambiou na estratexia do PP, pero non é a mesma. Pero a que si que é a mesma é a nosa estratexia, que tiñamos no 2006 e no 2007, e estámola levando a cabo paso a paso e con todas as garantías para que o CB Breogán sexa viábel”.
A respecto da posíbel marcha dos membros non políticos do Consello de Administración coa que se veu especulando estes días nos medios de comunicación, Veiga afirmou que “lamentamos e non compartimos a súa postura nin a valoración que fan deste proceso xa que estamos dicindo e facendo o mesmo que meses atrás cando se acordou a saída do accionariado que aprobou a Deputación e foi referendada por ese mesmo Consello de Administración do que fan parte estes membros”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
