Ribadeo, 7 de xaneiro de 2014. O temporal de vento deixou un regueiro de incidencias en Ribadeo: farolas rotas, sinais de tráfico arrincadas, chemineas caías e incluso a cuberta dalgunha vivenda. Para o alcalde, Fernando Suárez, “a situación xerada foi a dun auténtico furacán”.
Suárez Barcia explicaba esta mañá que “no tempo que levo de alcalde creo que foi do máis duro que puiden ver pola cantidade de incidencias simultáneas na vila e nas parroquias, ver árbores caídas, sinais de tráfico deitadas, algunha das farolas novas absolutamente partida, chemineas de edificios que caían e incluso esa cuberta dunha vivenda da rúa Rodríguez Murias que caeu na vía pública. Alegrámonos moito de ter suspendido o percorrido da cabalgata de Reis, aínda que naquel momento houbo incluso queixas dalgún veciño, pero alegrámonos moito de que non pasara por aí o percorrido da cabalgata porque senón igual puidera ter acontecido algunha desgraza que logo tivéramos que lamentar”.
O rexedor engadiu que “agora despois de toda esta tempestade ven a calma e ven o tempo de empezar a amañar toda esta desfeita. Mesmo na praza de abastos municipal varias chapas da cuberta caeron e agora está entrando auga. Estamos amañando coa brigada de obras todo isto, o que nos vai levar unha temporadiña dado que foron bastantes as incidencias, espalladas tanto pola vila como polas parroquias, que non se van dar amañado dun día para outro. Pedimos á poboación que teña paciencia, que nos saiba comprender dado que a situación non foi dun ciclón senón que foi dun auténtico furacán”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
