Cervo, 10 de xaneiro de 2014- A Concellería de Servizos Sociais, que dirixe Pilar Armada, promove unha charla sobre medidas de prevención e mellora da seguridade, dirixida especialmente á xente maior, pero aberta e útil tamén para persoas doutras idades. A actividade estará impartida por un membro da Garda Civil de Barreiros e terá lugar este sábado, ás 18 horas, no local da asociación Terramar, situado na Casa do Mar.
Nela, o especialista exporá os principais problemas de seguridade e riscos aos que están expostos os maiores na súa vida cotiá, como roubos en domicilios, roubos e furtos no contorno das entidades bancarias, abusos de confianza, tiróns, estafas, o uso fraudulento das súas propiedades, fondos, contas e cartillas de aforro ou o maltrato nas súas diferentes formas.
Neste sentido, ofreceranse tamén consellos para identificar unha posible estafa así como medidas básicas e rutinas para resultar menos vulnerables aos perigos. Ao mesmo tempo, explicarán cal é o procedemento máis recomendable a seguir en caso de sufrir algunha das situacións mencionadas e responderanse as preguntas que queira facer o público.
Esta iniciativa inclúese no Plan Maior de Seguridade que pon en marcha o Ministerio do Interior. A edil de Servizos Sociais asegura que esta charla é unha “medida moi práctica, xa que nela ofrecerase información de moita utilidade, na medida en que estamos falando de previr e evitar as situacións de perigo da cidadanía”. “Consellos básicos que son moi fáciles de poñer en práctica pero que hai que coñecelos, e por iso convidamos a todas as persoas a acudir” remata Armada.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
