A Mariña, 16 de xaneiro de 2014. O BNG denunciou que ten informacións contrastadas que lle fan sospeitar da suspensión indefinida do anunciado proxecto para a posta en funcionamento dun Hospital de día oncolóxico na Hospital da Costa. Segundo aclararon, a pesar de terse proxectado algunhas modificacións no centro hospitalario burelao necesarias para a posta en marcha do servizo, agora poderíase suspender indefinidamente, decisión que atribúen á Xerencia Integrada Provincial ou a instancias superiores do SERGAS.
JOSÉ MANUEL BALSEIRO E OS DIRIXENTES DO PARTIDO POPULAR NA COMARCA DEBEN DAR EXPLICACIÓNS
Os nacionalistas lembran que os dirixentes do PP comarca, encabezados polo parlamentario José Manuel Balseiro, anunciaron por activa e pasiva a posta en funcionamento dun servizo de quimioterapia, atribuíndose os méritos dunha xestión que agora volve ser fume. Por este motivo reclámanlles explicacións e aclaracións sobre esta circunstancia que, de ser certa, sería un novo engano á poboación mariñá e especialmente a aquelas persoas afectadas por esta doenza e ás súas familias que confiaron nas promesas do Partido Popular e do propio SERGAS.
O BNG lembrou que foron os dirixentes populares os que levaron aos concellos iniciativas reclamando este servizo aprobándose maioritariamente e tamén ao Parlamento Galego, aprobándose co apoio do BNG e as abstención de PSOE e AGE. Tamén recordaron que o BNG presentou unha emenda aos orzamentos da Xunta para 2014, para dotar economicamente a posta en funcionamento dun Hospital de Día Oncolóxico en Burela, e que foi rexeitada polos populares.
O XERENTE DA ESTRUCTURA DE XESTIÓN INTEGRADA PROVINCIAL COMPROMETEU A POSTA EN MARCHA DO SERVIZO XA NO 2013 PERO NON HOUBO NINGÚN AVANCE MAIS ALÁ DAS PROMESAS
O BNG lembrou que o Xerente da Estructura de Xestión Integrada Provincial anunciou a posta en marcha dun servizo comarcal de quimioterapia poucos días despois da creación da área provincial e do seu nomeamento e no pasado mes de setembro concretou que o servizo empezaría a funcionar xa no 2013 e García Quintáns anunciou o proxecto de remodelación necesario para poder acollelo no centro hospitalario de Burela, porén a día de hoxe non houbo ningún avance significativo.
Os nacionalistas pregúntanse si Quintáns vai seguir ninguneando á comarca mariñá con promesas que mais ben parecen intentos de acalar críticas polo progresivo retroceso da calidade e cantidade dos servizos sanitarios públicos na nosa comarca. Insisten en que dende a chegada da Xerencia Integrada a comarca perdeu capacidade e competencias ate o punto de non ter ningunha decisión sobre a redución de servizos – perda de facultativos e persoal sanitario en primaria e especializada – pero tampouco para garantir as existencias de menciñas e material de uso común e básico no Hospital e nos centros de saúde comarcais como denunciamos en días pasados.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
