As obras gañadoras e finalistas do primeiro Premio de Artesanía da Mariña “Alma da Artesanía” poderase visitar durante todo o mes de febreiro na Oficina de Turismo de Ribadeo, situada na rúa Dionisio Gamallo Fierros, en horario de mañá -dende as 09.00 ata as 14.00 horas- e polas tardes -de 16.00 a 19.00 horas- de luns a venres. Os sábados o centro abrirá unha hora máis tarde pola mañá.
As obras expostas son:
“Cuna”, Miguel A. Fernández González, na categoría tradicional á que tamén pertencen outros 5 premios adquisición: “Modelo de Trainera”, de Francisco Fra Rico; “Reunión Familiar”, José María Rodil Arruñada; “Panella na lareira” de Felix Antonio Paz Souto; “Enxebre”, de María Luz Méndez Rodríguez; e “Rasco. Aparello para marisco”, de María Jesús Alonso Pérez.
“Acollimento”, de Pilar Rei Teixeiro, resultou ser a obra gañadora da categoría contemporáneo; pero tamén se expoñen outros 5 premios adquisición na categoría: “Medusa”, de Pilar Elvira Felipe; “Lámapra cubos”, de Francisco Fraga Fernández; “Ánfora arqueoloxía”, de María Carmen López Dovale; “Anfora rachada”, de María Dolores Trasancos Castelo; e “Terrón de azucre”, de Hilario Rubal García.
O Premio de Artesanía “Alma da Artesanía”, configúrase como un recoñecemento institucional ao sector artesán da comarca e a súa traxectoria. Dotado economicamente dentro do proxecto “ALMA DA ARTESANIA”, auspiciado pola AXENCIA GALEGA DE TURISMO e a MANCOMUNIDADE DE MUNICIPIOS DE A MARIÑA, está dirixido aos artesanos ou talleres artesanais que teñan o seu domicilio e desenvolvan a actividade na Mariña de Lugo.
A súa finalidade pasa por:
– Recoñecer o traballo dos artesanos/as e empresas artesanas de A Mariña de Lugo.
– Prestixiar a artesanía, presentándoa nunha contorna de calidade e excelencia.
– Recoñecer os méritos daquelas empresas artesanas que destaquen pola súa creatividade, adaptación ao mercado e capacidade de innovación, conservando as características específicas que as definen. Asi como fomentar a aposta pola artesanía tradicional e a contemporánea, para impulsar a súa competitividad e a súa adaptación ás novas demandas dos consumidores.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
