O venres día 21 de febreiro e a partir das 15.30 horas, a Asociación Cultural “O Caiado” celebrará un importante acto no Asilo de Foz.
Para tal evento, cóntase coa colaboración do voluntariado de Alcoa, que axudarán ós residentes a elaborar un xardín personalizado, no que cada un dos avós terá a súa propia xardineira con diversas flores e plantas, e serán asesorados polo biólogo botánico local, Xesús Blanco, presidente da Asociación Micolóxica “Os Bolouros”.
Neste acto aberto a todo o público, tamén se fará unha proxección en pantalla xigante de diversas fotos antigas de Foz.
Así mesmo cóntase coas actuacións da Agrupación Folclórica “O Feitizo” de Foz e o Mago Paredes de Vilalba.
Estes actos celebraranse nunha carpa habilitada polo Concello de Foz, que se instalará no patio posterior da mesma Residencia.
E o sábado 22, ás 17.00 horas, e tamén no Asilo de Foz, e organizada pola Asociación “O CAIADO”, espectacular actuación do grupo de habaneras “MAR ABERTO”. Esta actuación que coincide co sábado anterior ó desfile de entroido de Foz, o grupo Mar Aberto presentaranse disfrazados ante o público como preludio desta tradicional festa.
“Cóntase tamén que os avós residentes que o desexen, serán tamén disfrazados”, segundo informou a directora da Residencia Natalia Zabaleta á Asociación “O CAIADO”. “O público que desexe asistir disfrazado, poderán facelo e que saiban que non serán os únicos”, engadiu.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
