A Vicepresidenta Segunda, Lara Méndez, supervisou este mércores algunhas das actuacións levadas a cabo coa financiación da Deputación de Lugo na Mariña, en concreto as realizadas nos Concellos de Riotorto e A Pontenova. Foron en total 47 obras solicitadas polos propios veciños e que a institución provincial financiou ó 100% aportando unha achega total de 367.000 euros.
Estas axudas, malia que non de gran contía, ó non superar os 12.000 euros, teñen unha importancia fundamental, posto que permiten levar a cabo unha serie de obras que os Concellos non son quen de afrontar. Deste xeito, a axuda do organismo provincial para mellora a calidade de vida dos veciños supón un considerable aforro para as arcas municipais.
As obras visitadas consistiron no acondicionamento de accesos e camiños veciñais que dan servizo tanto a vivendas, no caso dos situados en Val e Vilarquide, como a dotacións de uso comunitario, en Santa Comba de Órrea, no Concello de Riotorto. Estas obras contaron cunha achega total de 33.000 euros. Outra tipoloxía de obras financiadas foron a posta en marcha dunha instalación de traída de auga para os veciños de Neipín, e dun campo da feira para os de Vilaoudriz, ambas no Concello da Pontenova. Estas actuacións recibiron 19.000 euros dos 41.000 euros destinados a melloras en todo o Concello.
Melloras en todos os Concellos da Mariña
No conxunto da Mariña acometéronse 47 obras grazas á axuda da Deputación de Lugo. Cunha inversión total de 367.000 euros, as actuacións máis demandadas polos veciños foron aquelas destinadas á posta en marcha e mellora de dotacións de uso comunitario, como o caso da pasarela cuberta para comunicar os edificios do CEIP San Miguel, no Concello de Barreiros, ou a instalación eléctrica no centro social de Santa Cilla, no Concello de Foz. Este tipo de obras supuxeron un 53% do total.
Tras as melloras en dotacións, destacou o 36% que supuxeron as obras de acondicionamento de accesos e camiños, como as visitadas hoxe; a levada a cabo nos acessos na LU-151, no Concello de Foz, onde a axuda do organismo lugués permitiu a instalación de beirarrúas, ou a de acondicionamento da ruta dos muíños en A Rigueira, no Concello de Xove. Finalmente, tamén se levaron a cabo obras de mellora e arranxo de fontes e traídas de auga, que sumaron un 11% do total.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
