O BNG celebra un acto en recoñecemento a Neves Cando por 14 anos de dedicación á política municipal

O BNG celebrou este sábado, no Hotel Nordés de Burela, un acto e posterior cea de amizade en recoñecemento a Neves Cando polo seu traballo como concelleira e portavoz do Grupo Municipal do BNG en Burela durante os últimos anos. Ao acto asistiron numerosos compañeiros e compañeiras de Burela e doutras vilas da Mariña, entre os que estaban varios concelleiros e concelleiras do BNG. Á cita tamén acudiron Mario Pillado, actual concelleiro do BNG en Burela, a responsábel comarcal do BNG, Ana Ermida e o Vicepresidente Primeiro da Deputaicón, Antonio Veiga.

Cando deu as grazas á organización pola celebración deste acto e puxo en valor o traballo desenvolvido durante estes últimos anos por moitos dos compañeiros e compañeiras presentes e por outros que por distintos motivos non puideron asistir. Tamén tivo unhas palabras para o actual portavoz municipal, Mario Pillado, de quen dixo que reunía “as condicións idóneas para ser a voz do BNG en Burela, pois ademáis da súa valía e formación académica, conta cunha forte implicación social e coñece de primeira man as necesidades dos veciños e veciñas.”

Mario Pillado mostrouse moi ilusionado por “dar continuidade a un traballo político en defensa das maiorías” e critiou as políticas regresivas do PP, que supoñen “un encarecemento continuado dos servizos básicos”.

Pola súa banda, Mario Pillado eloxiou o traballo desenvolvido por Neves e outros compañeiros e compañeiras antes que el e mostrouse moi ilusionado por “dar continuidade a un traballo político en favor das maiorías sociais, na defensa dos nosos sectoresprodutivos e do emprego”,así como por afondar na “democratización, a autonomía das entidades locais e por dar voz aos veciños e veciñas a través dunha maior participación cidadá na vida política”. Pillado foi moi crítico coas política antisocias que se están a aplicar desde a Xunta da Galiza e desde o Goberno central, co visto e prace do Goberno Municipal do PP. En palabras de Pillado, “as medidas regresivas do PP están a supór un encarecemento continuado dos servizos básicos que presta o Concello, non só de forma directa a través do incremento das taxas e prezos públicos, mais tamén pola falta de financiamento das institucións competentes.” “O Goberno do PP en Burela non só aproba as medidas do Goberno do Estado e da Xunta, senón que aplaude as políticas austericidas, como puidemos constatar nos últimos plenos celebrados, coa aprobación urxente da suba do canon de Sogama ou rexeitando distintas mocións en defensa dos emigrantes retornados, dos doentes crónicos afectados polo repagamento de medicamentos ou das persoas autónomas.”

Mario Pillado defendeu o municipalismo que practica o BNG e a movilización social como medio para combater as políticas neoliberais do PP e citou como exemplos o Concello de Riotorto por liderar a loita contra o repagamento sanitario ou o Concello de Rianxo, que saíu de Sogama tras a suba do canon do lixo. “Ambos concellos, gobernados polo BNG, son exemplo claro de que outra política é posíbel”, afirmou Pillado.

O portavoz do BNG tamén se refiriu á situaicón que atravesa o sector pesqueiro en Burela, debido ás políticas impostas pola UE e secundadas polo goberno do Estado e da Xunta da Galiza.

O actual portavoz do BNG, tamén se refiriu á situación que atravesa o sector pesqueiro en Burela como motor económico da nosa vilae de grande parte da Mariña. Este sector productivo vese ameazado constantemente polas políticas pesqueiras impostas pola Unión Europea, e secundadas case sempre polos diferentes gobernos do estado español que non teñen a Galiza nin á Mariña entre as súas prioridades.
Para o BNG de Burela, “a defensa do sector pesqueiro en todos os ámbitos e institucións foi e é unha prioridade, e nesa liña seguiremos traballando, levando as demandas das xentes do mar a todas as instancias para que se poda seguir xerando riqueza a través deste sector que aínda a pesar de ser golpeado día sí e día tamén, segue a ser a principal fonte de creación de emprego da vila e da comarca”.

O portavoz municipal do BNG, Mario Pillado, manifestou que “non podemos permitir que os nosos mariñeiros teñan que estar pendentes todos os anos dos perxudiciais acordos que para a nosa flota adoptan desde a Unión Europea limitando a nosa capacidade de traballo a base de impoñernos inxustas cotas, ben sexan para a xarda, a pescada ou outras especies”. “O BNG non vai permitir que mesmo Burela haxa cómplices das políticas que atentan contra o noso medio de vida, como é o caso do goberno municipal do PP na nosa vila”, afirmou o edil nacionalista.

Neste sentido, o portavoz do BNG considera necesario e imprescindible que os intereses da pesca galega sexan defendidos por representantes políticos que actúen en clave galega, como actúan os representantes do BNG, en alusión ao traballo desenvolto pola deputada nacionalista Ana Miranda no Parlamento Europeo.
No transcurso do emotivo acto no que por parte do BNG e de moitos veciños e veciñas de Burela se recoñecía o traballo realizado pola ex-concelleira Neves Cando, Mario Pillado tamén se referíu ás vías de comunicación que conectan a Burela co resto da comarca e coa autovía A-8, e recordou o eterno esquecemento dos gobernos do Estado (antes o PSOE e agora o PP) para coa autovía Barreiros-San Cibrao. E no mesmo sentido Pillado fixo fincapé na vergoñenta paralización do corredor Ferrol-San Cibrao por parte do goberno do Partido Popular, e rematou decindo que “desgrazadamente, para sacar de Burela a riqueza do noso porto seguimos tendo a mesma estrada que había cando eu nacín”.