Consello Local do BNG.- O BNG de Burela celebrou este sábado un acto e posterior cea de amizade en recoñecemento a Neves Cando polo seu traballo como concelleira e portavoz do Grupo Municipal do BNG en Burela durante os últimos anos, ao que asistiron numerosos compañeiros e compañeiras non só da nosa vila, mais tamén doutras localidades da comarca.
Sen querer cair no personalismo, é inebitable que dentro de calquera organización, certas persoas adquiran maior relevancia pública polas súas responsabilidades orgánicas ou institucionais. Entre estas últimas está a compañeira Neves, que desenvolveu un importantísimo traballo como concelleira do BNG de forma continuada durante os últimos 14 anos, realizando un labor fundamental de control ao goberno municipal desde a oposición ou ben xestionando distintas áreas do Concello xa con responsabilidades de goberno, sempre ao servizo das veciñas e dos veciños de Burela. Destacar as súas aportacións desde as áreas de Igualdade e Benestar, coa posta en andamento de numerosos programas en materia social, así como a implementación de políticas activas de igualdade e contra a discriminación da muller, nomeadamente no ámbito deportivo, sen esquecermos unha programación cultural hoxe desmantelada e unha aposta clara polo deporte de base.
Evitar calquera tipo de personalismo non só é algo inherente á práctica e filosofía organizativa do BNG, mais tamén un acto de xustiza para con todas aquelas persoas que en distintos momentos contribuíron a sacar adiante o proxecto nacionalista. Sen todas e todos eles, todo isto non sería posíbel e como non podía ser doutro xeito, este recoñecemento a Neves Cando é tamén un recoñecemento a toda esa militancia que deu e continúa a dar o mellor de si mesma para avanzarmos na conquista dunha Galiza xusta e soberana.
Burela, a 23 de febreiro de 2014.
Consello Local do BNG
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
