O pasado sábado, día 22 de febreiro, remataron as Primeiras Olimpíadas Interparroquiais de Alfoz, coa xornada dedicada ós Xogos Populares, e onde Lagoa se fixo co título.
Durante a sesión do sábado leváronse a cabo catro xogos. No primeiro, o tiro á corda, resultou vencedor o equipo de Lagoa, formado por Rubén Sánchez, Diego Mariño e Juanjo Fraga. No segundo, que era o de carreiras de sacos, venceu a parroquia de Carballido, representada por César Marrube. No terceiro xogo, lanzamento de paca de herba, venceu a parroquia de Terras Altas (composta por xogadores de As Oiras e O Pereiro), na que Alberto Martínez lanzou a paca ata 12 metros e 14 centímetros. Finalmente, na proba de carreira á cadeira da raíña, venceu a parroquia de O Castro, cun equipo formado por Xabier Pardiñas, Jesús Vizoso e Daniel Pérez. No cómputo total das probas de Xogos Populares houbo un triplo empate en cabeza, sendo campións os equipos de O Castro, Terras Altas e Reirado.
Os árbitros desta cuarta xornada das Olimpíadas foron Juan García e Mari Liz. Presentaron o acto Leni Níñez e Antonio Xesús Lorenzo “Cachín”.
Finalmente, fíxose o cómputo total de puntos para o total das Olimpíadas, resultando vencedora final a parroquia de Lagoa. A clasificación foi a seguinte:
Lagoa. 555 puntos.
O Castro. 517 puntos.
Bacoi. 506 puntos.
Carballido. 493 puntos.
Adelán. 468 puntos.
Terras Altas (Oiras e Pereiro). 467 puntos.
Mor. 446 puntos.
Reirado. 407 puntos.
Os membros das tres primeiras parroquias da clasificación recibiron medallas de ouro, prata e bronce. Todos os demais participantes recibiron un diploma acreditativo da súa participación nas Olimpíadas. Os diversos colaboradores como xurados, árbitros, etc. recibiron un agasallo.
As Olimpíadas remataron, pero o sentimento xeral de participantes e veciños é que volverán a celebrarse en vindeiras edicións, como forma de divertirse, participar e crear unión entre a veciñanza do concello.
Tamén merecen un nomeamento especial os capitáns das diversas parroquias, que foron os que co seu traballo reunindo xogadores, conseguiron que estas Olimpíadas puideran ser levadas a cabo.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
