BARREIROS .- O BNG de Barreiros demandará no pleno deste mes o remate de obras pendentes “que se iniciaron na campaña electoral, alá por maio de 2007”, segundo indicou o voceiro nacionalista, Antonio Veiga, que explicou “que unha obra que é bastante perigosa e que non se rematou e a do acceso desde o barrio de Barral en Celeiro de Mariñaos, un vial moi empregado polos veciños de Barreiros pero tamén polos da parroquia focense de Vilaronte. A obra empezou hai máis dun ano e nunca se deu rematado”.
Nota de Prensa
O BNG INSTA AO CONCELLO DE BARREIROS A REMATAR TODAS AS PEQUENAS OBRAS INICIADAS NA PASADA CAMPAÑA ELECTORAL.
Barreiros, 2 de setembro de 2008. O BNG de Barreiros demandará no pleno deste mes o remate de varias obras pendentes <que se iniciaron moitas delas en campaña electoral alá por maio de 2007>, segundo explica Antonio Veiga. O voceiro nacionalista alude <a unha obra que é bastante perigosa e que non se rematou. Trátase do acceso desde o barrio de Barral en Celeiro de Mariñaos á estrada N-634, no punto kilométrico 574. É un vial moi empregado polos veciños de Barreiros pero tamén polos da parroquia focense de Vilaronte. A obra empezou hai máis dun ano e nunca se deu rematado>.
Antonio Veiga asegura que <as explicacións que nos deron nas dúas sesións plenarias ás que levamos este asunto non foron moi convincentes, e nós consideramos que esta obra é prioritaria sobre outras debido á perigosidade que supón para entrar e saír na N-634, xa que hai uns desniveis duns 4 ou 5 metros, non hai protección, nin sinalización de ningún tipo…..O que non queremos é ter que lamentarnos por unha desidia do Concello. Non entendemos coma o concelleiro de obras non ten tomado xa cartas no asunto>.
O Bloque presentará para o seu debate no pleno de setembro unha moción <instando ao Concello a que remate todas aquelas obras empezadas en maio de 2007 que están sen rematar e que non presentaban complicacións para atoparse así en setembro de 2008>, engade Antonio Veiga.
————–
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
