Cervo, 19 de marzo de 2014. O BNG pídelle á concelleira de medio ambiente de Cervo que aclare en que data se vai poñer en funcionamento a rede de saneamento e estación depuradora de San Cibrao á vista de que “non hai mais que ir á hemeroteca para ver que este servizo leva anunciándose polo goberno local dende o ano 2001” e a súa finalización e posta en funcionamento xa foi anunciada nunha ocasión para finais de 2009 e noutra, o pasado 19 de xuño, para setembro do ano pasado. A fronte nacionalista insiste en que, con rede xeral nova ou sen ela, seguirá habendo zonas de San Cibrao que seguirán vertendo augas fecais sen control e directamente ao mar como é o caso do Porto de Arriba ou varias vivendas na zona da Fontiña que verten ao mar no Paseo da Cousa, un problema para o que o BNG pide solucións e non escusas de mal pagador.
O QUE FAI FALLA EN SAN CIBRAO É QUE O SERVIZO DE SANEAMENTO E DEPURACIÓN DE AUGAS RESIDUAIS FUNCIONE E NON NOVOS ANUNCIOS PARA SAÍR DO PASO
O BNG pediulle á concelleira delegada de medio ambiente do concello de Cervo “que deixe os anuncios e faga o seu traballo para a posta en marcha da EDAR e a rede de saneamento en San Cibrao de maneira inmediata”. Aseguran dende o BNG que “o goberno municipal leva facendo anuncios sobre o saneamento de San Cibrao dende 2001, e ultimamente coas obras a piques de rematar, foi anunciada a posta en funcionamento para finais de 2009 en xuño do ano pasado para antes de que rematara o verán”. Onte a mesma edil e o propio alcalde que aseguraban nos medios de comunicación o 19 de xuño pasado que o servizo entraría en funcionamento en setembro de 2013, volve anunciar nove meses despois que este ano será sen saber nin sequera cando.
PÍDENLLE Á CONCELLEIRA MENOS FOTOS E MAIS TRABALLO PARA EVITAR A VERGOÑA DE SEGUIR VENDO VERTIDOS RESIDUAIS AO MAR, TANTO NA MARXE DEREITA COMO ESQUERDA DA PENÍNSULA DE SAN CIBRAO
Aínda coa posta en funcionamento da nova rede xeral, á concelleira de medio ambiente quédalle moito traballo por facer aínda que parece que o problema non vai con ela xa que non contesta e sae con evasivas á problemática existente en zonas do Porto de Arriba ou A Fontiña que seguirán vertendo directamente ao mar sen depurar por non ter redes secundarias conectadas. Neste sentido os nacionalistas esíxenlle a Begoña Alonso “menos fotos e anuncios e mais traballo” porque “dela é a responsabilidade de que sigamos vendo vertidos de augas fecais ao mar, tanto na marxe dereita como esquerda da península de San Cibrao”.
A HISTORIA DUNHA INFRAESTRUTURA CHEA DE ATRASOS E ATRANCOS QUE LEVA 13 ANOS AGARDANDO A FACERSE REALIDADE
Os nacionalistas non pasan por alto a historia que rodea a obra da EDAR e redes de saneamento de San Cibrao: foi anunciada en 2001 polo Tte. Alcalde José Manuel Balseiro, co proxecto exposto ao público na Casa do Mar de San Cibrao en 2002, a aprobación unánime dunha moción do BNG en outubro de 2004 que instaba á execución da obra en 2005, con emendas aos orzamentos da Xunta de 2005 votadas en contra polo PP no Parlamento, a licitación da obra en xullo de 2005 polo goberno popular cando xa perderan as eleccións autonómicas mais sen dotación económica, e finalmente o inicio das obras en 2009 durante o goberno bipartito e despois de terse cambiado o proxecto inicial ate en dúas ocasións. Para o BNG, O PP non pode estar orgulloso da súa actuación neste asunto, “aínda que o que mellor fai o Grupo de Goberno encabezado por Villares é botar balóns fora, pero é evidente que si as obras foran acometidas cando se anunciaron en 2001, xa fai tempo que estarían rematadas”, concluíron.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
