Mondoñedo, 19 de marzo de 2014.- O Partido Popular de Mondoñedo alerta dos incumprimentos do goberno local en relación ás directrices que tiña previsto desenvolver durante o 2013 dentro do Plan Estratéxico de Dinamización Turística 2013-2017.
Os populares explican que o Plan estipulada unha cronoloxía de actuacións “e que a día de hoxe e na maioría dos casos non se están a levar a cabo”. Unha situación que, dende o PP, atribúen “á baixa implicación” do goberno local de cara ás necesidades do municipio.
“Trátase dun documento ao que se dirixiu unha importante contía económica e co que se non está a cumprir”, matizan dende o PP, que engaden que “só temos constancia de reunións con escasa participación e da publicación dun folleto con fotografías que, incluso, non están actualizadas”.
Os populares apelan á necesidade de actuar e de traballar con rigor e máis cando se está a falar “dun dos sectores que ofrece un maior potencial dinamizador á localidade”, -o turístico-; e logo de que a elaboración do documento custase preto de 4.000 euros, ao que se lle suma outra importante inversión da Deputación, -77.500 euros-, dirixida a colaborar no financiamento do gastos que implicara o plan.
Actuacións que só requiren de vontade para levalas a cabo
Dende o Partido Popular de Mondoñedo amósanse especialmente críticos cos incumprimentos en actuacións que non implican un investimento económico, senón que “só requiren da vontade para levarse a cabo”.
Os populares poñen como exemplo a actualización da páxina web, cuxa última nova publicada data do 8 de xaneiro de 2014 ou incluso a creación dun banco de imaxes que a día de hoxe non é unha realidade.
IA maiores, os populares lamentan que non se incentivase unha programación conxunta con asociacións e axentes locais. “É necesaria a implicación de todas as partes para lograr unha proposta atractiva con iniciativas culturais, animación e actividades turísticas”, matizaron dende o PP.
O populares engaden que dende o goberno local non foron quen nin de cumprir con compromisos de colocar carteis informativos sobre a programación cultural e lúdica no albergue dos peregrinos.
O proxecto de Artesanía nos Muíños
Dende o PP local tamén referiron aos incumprimentos no proxecto de Artesanía nos Muíños. “Recibiron un programa activo, do que se están a esquecer e non logran potenciar”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
