26 de marzo de 2014.- O Ministerio de Agricultura, Alimentación e Medio Ambiente (MAGRAMA), a través da Dirección Xeral de Sostenibilidade da Costa e do Mar, pon en marcha, ó longo desta semana, novas obras para reparar os danos causados polos temporais nos termos municipais de Noia, Ferrol, Porto do Son, Cangas do Morrazo, illa de Arousa, O Grove, Foz e O Vicedo (Galicia), de Ribadesella, Carreño, Tapia, Castropol e Llanes (Asturias), de Santander (Cantabria) e de Muskiz, Zierbana e Mundaka (País Basco).
Estas actuacións forman parte do conxunto das previstas para a costa norte de España que se viu afectada polos temporais e cuxa execución compete facer ó Ministerio de Agricultura, Alimentación e Medio Ambiente, no marco do Real Decreto Lei aprobado polo Consello de Ministros o pasado venres 21 de febreiro, cun orzamento de preto de 44 millóns de euros.
Desde o pasado luns día 24 e ata o venres día 28 póñense en marcha as seguintes actuacións (o prazo de finalización é aproximado):
GALICIA
A Coruña
-Noia. Reparación de avería no paseo da praia de Boa. Reconstrución e consolidación das pasarelas de acceso á praia. Orzamento 80.000 euros. Finalización nun mes.
-Ferrol. Reparación dos accesos ás praias. Orzamento 150.000 euros. Finalización nun mes.
-Porto do Son. Reparación dos accesos á praia de Coira. Orzamento 15.000 euros. Finalización en vinte días.
Pontevedra
-Cangas do Morrazo. Vilariño. Protección do vial de borde. Orzamento 30.000 euros. Finalización en dúas semanas
-Illa de Arousa. Charco. Recheo de oco no muro. Orzamento 2.500 euros. Finalización nun día. Tamén se reparará en Sapeira a rampa e o muro afectados. Orzamento 8.500 euros e Finalización nunha semana.
-O Grove. En Mexilloeira, reparación da rampa de acceso de madeira. Orzamento 2.000 euros. Finalización en dous días.
Lugo
-Foz. Reparación de danos na praia de Arealonga. Construción de escolleira. Orzamento 306.000 euros. Finalización en tres meses.
-O Vicedo. Reparación de danos na praia da Abrela. Reconstrución de pasarelas e duchas e limpeza de dunas. Orzamento 49.000 euros. Finalización en vintecinco dias.
ASTURIAS
-Ribadesella. Reparación de danos na praia de Vega. Reparación de pasarelas. Orzamento 12.100 euros. Finalización nunha semana.
-Carreño. Reparación de danos na praia de Carranques. Reconstrución de acceso. Orzamento 30.250 euros. Finalización nun mes.
-Tapia. Reparación de danos na Piscina Cetárea. Reparación de madeira. Orzamento 12.100 euros. Finalización en tres semanas.
-Castropol. Reparación de danos na praia de Arnao. Colocación de barandilla. Orzamento 9.680 euros. Finalización nunha semana e media.
-Llanes. Reparación de danos na praia de El Sablón. Orzamento 6.050 euros. Finalización nunha semana.
CANTABRIA
-Santander. Segunda praia do Sardinero. Bypass de area para a regulación da superficie da praia. Mediante empuxe desde a zona central cara os seus dous extremos. Orzamento 5.962 euros. Finalización en cinco días.
PAÍS BASCO
Bizkaia
-Muskiz. Entorno da praia La Arena. Retirada das antigas cimentacións afloradas na praia. Orzamento 25.000 euros. Finalización en dezasete días.
-Zierbana. Praia La Arena. Retirada antigas cimentacións afloradas na praia, cun orzamento de 35.000 euros e retirada de afloramento de pedras exóxenas en praia, por 50.000 euros. Ambas actuacións finalizarán en dezasete días.
-Mundaka. Entorno de Txorrokopunta. Reparación de elementos afectados do parque de Txorrokopunta e do acceso ó mar. Orzamento 38.000 euros. Finalización en vinte dias.
O seguimiento de cada unha das obras que leva a cabo o Ministerio nas costas de Galicia, Asturias, Cantabria e País Basco, así como descripción de proxectos, o seu orzamento e prazo de execución, pode consultarse na página web do MAGRAMA: http://www.magrama.gob.es/es/costas/temas/plan-litoral-obras-emergencia-temporales/default.aspx
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
