Santiago, 30 de abril de 2014.- A Consellería de Medio Ambiente, Territorio e Infraestruturas está a realizar os traballos e trámites oportunos para a correcta licitación, adxudicación e execución das obras do acceso ao porto de Burela, en colaboración coa Consellería do Medio Rural e do Mar. Así o manifestou hoxe no Parlamento o presidente de Portos de Galicia, José Juan Durán, durante a súa intervención parlamentaria, na que adiantou que a previsión do Goberno galego é licitar estas actuacións este ano.
En resposta a unha pregunta formulada en Comisión 8ª de Pesca e Marisqueo, Durán Hermida lembrou que “o porto de Burela é un dos de maior volume de operacións dentro dos portos adscritos á Comunidade Autónoma de Galicia. Este porto rexistrou distintas ampliacións nas súas liñas de atraque, ademais de construírse unha nova lonxa para tratamento e comercialización da pesca”.
O acceso á zona portuaria realízase polo centro do núcleo urbano, coas molestias e perigo que isto supón tanto para as persoas usuarias do Porto como para o propio núcleo de Burela. Debido ao incremento da actividade que experimentou este Porto e ao aumento de tráfico considerouse idóneo dotar estas instalacións portuarias dun novo acceso que facilite a entrada e saída a estas, evitando, na medida do posible o paso polo núcleo urbano de Burela.
Durán explicou que “tomando como base o proxecto redactado por Portos de Galicia, e tendo en conta o planeamento urbanístico do Concello, a Axencia Galega de Infraestruturas (AXI) ten a previsión de asumir a execución deste vial e a súa financiación, ao 100%, a pesares de estar inicialmente previsto por esta axencia ao 50%”.
Na AXI redactouse un novo proxecto de actualización e terminación das obras de acceso ao porto de Burela, aprobado en 2011 cun importe de 7,4 millóns de euros.
As principais modificacións respecto do proxecto orixinal:
• A actuación adáptase ao planeamento urbanístico, axustándose ao previsto no PXOM
• O paso do FEVE realízase por abaixo (no proxecto orixinal se realizaba con paso superior)
• Menor impacto ambiental: a actuación non eliminará as vistas ao mar dado que irá practicamente en desmonte (no proxecto orixinal discorría en terraplén).
Realizados todos os trámites oportunos, o anuncio de Información pública publicouse no DOG o 9 de marzo de 2011, e o 12 de agosto, a resolución pola que se aproba o expediente de información pública e definitivamente o proxecto de construción.
O Consello da Xunta aprobou en 2013 o Decreto polo que se declara a utilidade pública e se dispón a urxente ocupación dos bens e dereitos afectados polo proxecto de construción, que incrementa o importe das expropiacións en 183.771,00 euros.
O presidente de Portos de Glaicia lembrou que no ano 2007 adxudicouse a obra, pero non era acorde co planeamento urbanístico vixente, o que implicou que o Tribunal Superior de Xustiza fallara a súa paralización e a estimación dun recurso interposto por un particular. Polo tanto, as obras están paradas e rescindidas como consecuencia dun fallo do Tribunal Superior de Xustiza.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
